CNT sindikatuak ATACO SL enpresan duen atal sindikalak beren afiliatu baten edoskitze baimena errespetatu ez duela salatu du, “langileen oinarrizko eskubide bat urratuz”. Enpresa delikatessen sektorean jarduten du, La Oka izen komertzialarekin hainbat denda kudeatuz Bizkaian.

CNT Sindikatuak -beste eragile sozial eta sindikalekin batera- Barakaldon izan den langabezia, murrizketa eta kaleraketen kontrako eta babes sozialaren alde Barakaldon egindako elkarretaratzean parte hartu du. Amaia Egañaren -bere etxetik kaleratua izan aurretik leihotik salto egin zuen- suizidiotik bigarren urteurrena bete den honetan.

“Gaur egun, milaka eta milaka pertsona miseria eta etsipenean bizi direla ikusten dugu, guzti honen errudunak, duela bi urte bezala, zigorgabe jarraitzen duten bitartean”, azpimarratu du zentral anarkosindikalistak. Testuinguru honetan, CNTk “kapitalismoa bezain sistema hiltzaile batek sortzen dituen injustizia sozialekin bukatzeko bide bakarra borroka dela” azpimarratu du.

CNT sindikatuaren esanetan, Martxoak 29ko greba orokorrak “prozesu gero eta handiago eta iraunkor baten hastapena bakarrik izan behar du” eta “langileria eta krisi kapìtalistak kalteturiko sektore behartsuenen osotasunak partehartu beharko luke bertan” .

“Zuzendaritza megoziazio-mahaian jezarri arte ez gara geldituko”. CNTren kideak Ercilla Hoteletan borrokan jarraitzen dute enpresako zuzendaritzaren jarrera aldatu arte, era aldebakarrean enpresa-ituna alde batera utzi baitu.

CNT sindikatuko militanteak ostegunean Bilbon elkarretaratu dira “jendartearen gehiengoak pairatzen dituen eraso iraunkorrak” salatzeko, “gobernuarenak, banketxeenak eta enprearienak”, gaineratu du. Honen aurrean, erakunde anarkosindikalistak Langabeziaren Aurkako Ekintza Eguna deitzen du otsailak 15erako.

Larunbat honetan Donostia eta Mendabian frankismoaren biktimen omenez burutu diren ekitaldi instituzionalen ondoren, CNT sindikatuak “bi deabruen teoria” betikotzearen arriskuaz ohartarazi du. “Bidenabar, faxismoa eta mota guztietako zapalkuntzaren aurka” erakundeko militanteek eutsitako borrokak aldarrikatu ditu CNTk.

CNT sindikatuak Felix Padin, hilak 7an zendutako militante historikoa, omendu du. Ekitaldia Artxandako “La Huella” monumentuaren ondoan izan da, frankismoaren kontra borrokatu zuten guztien oroimenez eraikitako gunean. “Félix haietako bat izan zen eta ez dugu inoiz ahaztuko”, azpimarratu du sindikatuak.

Aste Nagusian egindako mobilizazioen ostean, Lopez de Haro eta Ercilla hoteletako langileek “beraien interes eta lan baldintza duinen alde borrokatuko dutela”, iragarri dute.

CNT-k kultura batzordea martxan jartzen du berriro Bilbon, “ideia libertarioan hain sakon errotua egon den kulturaren zabalkundean lan egiteko asmoz, ikasteko jakin-nahia maila eta leku guztietara hedatze  jardueraren testugua hartuz”.

Azkeneko igandean ospatu diren Europako hauteskundeen ostean, CNT sindikatuak izandako abstentzio kopuru handia azpimarratu du, “promes faltsu eta alferrikako emaitzez nekatutako biztanleen lehenengo aukera bihurtuz”. “Euskal Herrian, abstentzioa ere garailea izan da” azpimarratu du, “udalerri askotan hautesleriaren %60-a gainditu duela” nabarmenduz.