Euskadiko Justizia Auzitegi Nagusiak ATACO SL enpresako CNTko afiliatu baten kaleratzea baliogabea dela adierazi du. Enpresa honek “La Oka” delicatessen dendak, Bilbon, Getxon eta Durangon, kudeatzen ditu. Auzitegiak “askatasun sindikalaren eskubidea” urratu dela dio, hori dela eta langilea, ekainean, bere lanpostura berriz itzuliko da.

CNT sindikatua asteazken honetan bildu da Bilboko Hotel Ercillaren aurrean; sindikatuaren bozeramaileen esanetan, ekintza hau hurrengo asteetan ere errepikatuko da. “Turistak eta hiritarrak, orokorrean, hotel honen langileriak bizi duen egoeraz jabetzea nahi dugu, horregatik uda honetako momentu berezietan egongo gara”, aurreratu du.

Lau hilabete pasa eta gero, CNTk lortu du Santurtzin dagoen Txitxarragane sagardotegiaren jabeak langile bati zor zizkion hileko soldatak ordaintzea. Hori dela eta, sindikatu honek erabiltzen dituen borrokatzeko tresnak aldarrikatu ditu: “elkarren arteko babesa, ekintza zuzena eta autogestioa”.

STEF logistika enpresako CNTko sekzio sindikalak salatu du, Aparcavisan plataformaren eragiketa-itxieraren ondoren, langileek pairatzen duten egoera larria. “Bilbo-Zornotzako zentrora langile lekualdatuek kontziliazio familiarrekin txanda bateraezinak jasaten dituztela eta istripu hilgarriak gerta daitezkela” nabarmendu du.

CNTk Spanairren kaleratzeen aurkako borrokari irmo eusten dio. Azken egunetan, erakunde anarkosindikalista, enpresa honen porrotaren emaitzarekin ados ez dauden langileen subrogazioa lortzeko, tramite legalak egiten hasi da.

El sindicato CNT ha anunciado la creación de una sección sindical en INSA Ingeniería de Software Avanzado, una filial de la multinacional IBM que cuenta con más de dos mil personas empleadas en todo el Estado español y unas 100 en sus dependencias de Getxo.

Gabonetako erosketekin batera gertatuz, CNT sindikatuko militanteak elkartu dira, astelehen honetan, Barakaldon dagoen Megapark merkataritza-gunearen aurrean -mota honetako Euskal Herriko azpegiturarik garrantzitsuena-. Helburua izan da marka komertzialentzako publizitate banaketa sektorean enpresek inposatzen dituen “esplotzioaren baldintzak” salatzea.

CNT sindikatuak José Carlos Nebreda Santillán Arabako PPko burua eta enpresaria -Erribera Beitian zinegotzia eta Añanako Kuadrillan bere alderdiko ordezkaria dena- salatu du “langileen aurkako eskubideei erasotzeagatik eta Gizarte-Segurantzan alta ez hartzeagatik”. Gaur egun, Nebreda Gasteizko Boulevard merkaritzan-gunean dagoen txikiparkaren jabea da.

CNT sindikatuak salatu du informatika-gaien Panda Security enpresak ez duela antzinatasun osagarria ordaindu nahi, duela gutxi Auzitegi Gorenak agindu duen moduan. “Berriro beste multinazional batek bere legalitatea eta langileekin betebeharrak ez ditu betetzen. Erantzuna, kalean eta lanpostuetan, erabatekoa izango da”, erakunde anarkosindikalistak adierazi du.

CNT sindikatuak ostalaritzako eta merkataritzako langileek pairatu behar duten egoera larriaz ohartarazi du. Sektore hauetan “enpresa gehienetan hitzarmen kolektiboak ez dira betetzen eta, askotan, langileen oinarrizko eskubideak urratzen dira”.