• Aurtengo XIV. Liburu Anarkista Azoka bukatu bezain laster, antolatzaileek balorazio positiboa egin dute eta hurrengo urterako hobekuntzak planteatzen hasi dira.
• “Hitzaldien materialak sare sozialetan eskuragarri daude”, esan du CNTk.

• 2018ko azaroaren 14an Hego Koreako sindikalisten hainbat ordezkari L'Hospitalet de Llobregat-eko CNTren egoitzan bildu ziren.
• Bilera hau Estatutik kanpo egiten ari garen lan eta hedapen sindikalaren emaitza da", horixe azpimarratu du antolakunde anarkosindikalistak.

Ordezkaritza sindikala hamar pertsonak osatu zuten –zortzi gizon eta bi emakumek-, eta beraiekin batera bi itzultzaile etorri ziren, eta CNTren aldetik, Catalunya-Balears eskualdeko idazkari nagusia, juridikako idazkaria, Hospitalet de Llobregat-eko kide bat ongietorria emateko eta Kulturako idazkaria, Batzorde Konfederalaren Idazkaritza Iraunkorreko ordezkari gisa.

Bilera sindikalista korearren eskariz egin zen, galdera-multzo bat bidali ostean, honelako gaien inguruan: aldi baterako lana, gutxieneko soldata, negoziazioa eta presiorako bideak, langabezia tasak, erretiroa eta, oro har, lanaren inguruan dauden ikuspegi aniztasuna.

Bilera giro onean egin zen eta bisitariek interes izugarria erakutsi zuten, besteak beste azpimarratu zuten nolako aldea dagoen sindikalismoan zonalde bakoitzaren legediaren arabera.

Amaitzeko, Lanaren Nazioarteko Konfederazioari (CIT) buruzko dossier informatibo bat eman zitzaien. Bi sindikatuek gustura amaitu zuten biltzarra eta harremanetan segitzeko asmoa adierazi zuten, sindikalismoaren inguruko ikuspegiak zabaltzen segitzeko.

• CNTren Idazkaritza Iraunkorrak komunikatua atera du Kataluniako urriaren 1eko erreferendumaren inguruan.
  
• Erakunde anarkosindikalistak, geratzen ari denaren inguruan, “herriek autodeterminazio eskubidea dutela” gogorarazi du.

• Maiatzaren 24tik ekainaren erdira arte iraungo duten jardunaldiak Bilbon burutuko dira.
• Irekiera ekitaldian CNT eta Sare Antifaxista izango dira.

Datorren astebururuan CNTk bere IX. Liburu Anarkistaren Azoka aurkeztuko du Bilboko Unamuno Plazan.

• Urtero legez, CNT sindikatuak 1936ko uztailaren 19an faxismoari aurre egin eta Iraultza Soziala egin zuten emakume eta gizonak omendu ditu, Artxandako La Huellan, Bilbo.

• “Pertsona arrunt baina antolatu batzuek kapitalismotik at bizitzea posible dela erakutsi ziguten”, azpimarratu du erakunde anarkosindikalistak.

Oroimen historikoa eta “Valle de los Caídos” puri purian dagoen eztabaida den bitartean, CNT sindikatuak orain dela 82 urte gertatutakoa gogorarazi du. “Herriek estatu kolpe faxista gelditu zuten, nahiz eta Espainiar Errepublikak ez lagundu”, aipatu du erakunde anarkosindikalistak. “Gainera, gizon eta emakume hauek Europan XX mendean eman den Iraultza Sozial handiena gauzatu zuten, lurra eta industriak kolektibiztatuz, komunismo libertarioa praktikan jartzen”, CNTk nabarmendu du.

Sindikatuaren iritziz, erregimen diktatorial frankistak eta 1978ko Erregimenak esperientzia hau ezabatu nahi izan du, “autogestio eta askatasunean oinarrituta kapitalismotik at bizitzea posible dela erakusten baitu”. Industriak langileen esku pasatu ziren, “kudeatzaileek haiek izan ziren”; landa eremuetan “lurren kolektibizazioak eman ziren, lurrak guztienak izanik”. Hala ere, prozesu iraultzaileak “etsaiak izan zituzten: bai kolpistak, baina baita Espainiar Errepublika eta Kataluniako Generalitat, euren gizartearen orden burgesaren aurka zioalako”, esan du CNTk.

Bestetik, munduan ematen ari diren beste prozesu iraultzaileak agurtu ditu. Rojava da hauetako adibide bat, “nahiz eta lurralde bakoitzak berezitasunak izan, ez daude bi iraultza berdinik”, aipatu du erakunde anarkosindikalistak. Euren iraultza (2012ko) uztailaren 19 batean ere hasi zen, baina gaur egun iraultza honek “jasotzen ari den erasoa izugarria da: munduko iraultzaileok zuekin gaude”, esan du CNTk.

Errefuxiatuen egoera omenaldian aipatu dute ere. “Iraultza egin zuten gizon-emakumeek erregimen genoziatik ihes egin behar izan zuten”, gogorarazi dute, “gaur gure lurraldera etortzen direnak babestu behar ditugu, gure aiton-amonek errefuxiatuak izateko arrazoi bera dute: bizirautea”. CNTk erakunde sindikalek honen aurrean “ekintza indartsuak egitea” planteatzen dute, bertoko elkartasun sarea sakontzeko eta instituzioak euren eginbeharra betetzeko: manifestazio eta elkarretaratzeez gain, “greba da erabili beharko dugun erreminta”. Mota honetako erremintaren bitartez, “instituzio hauek ekintzetara pasatzea derrigortu dezakegu”, azpimarratu du CNTk.

Bukatzeko, aldi berean gizon eta emakume “arrunt eta harrigarri hauek goraipatu nahi dugu, eredua zaretelako”, antolatzaileek esan dute. “Zuei esker gure bihotzetan mundu berri bat daramatzagu, momentu hauetan hazten ari dena”, esan du CNT.

CNT sindikatuak Aiaraldea.com komunikabidean egindako mahai-inguruan parte hartu du beste sindikatuekin batera. Erakunde anarkosindikalistak greba orokorraren eta alternatiba ekonomiko eta sozialen beharra aldarrikatu du.

Greba egunerako prestatutako mobilizazioen zerrenda:

• Ercilla Hoteletako arrakastak eta gero, Sevillako “Barceló Renacimiento” hoteleko 8 Kellyak berriz onartuak izan dira

• “CNT sindikatuan antolatzea borrokatzea esan nahi du, baina baita irabaztea ere” esan du langileetako batek

Gatazka sindikal gogor baten ondoren, Sevillako “Barceló Renacimiento” hoteleko zortzi gela-zerbitzariak garbiketaren arduradun berria den Alterna Solutions enpresan berriz onartuak izango dira progresiboki abenduan zehar.

Gatazka aurtengo uztailak 31ean hasi zen, Sevillako Catuja uhartean kokatuta dagoen bost izarretako “Barcelo Renacimiento” hotelaren garbiketa arduraduna zen “Aura ETT Cooperativa” enpresarekin kontratuak zituen zerbitzuak etetea erabaki zuenean. Langileak “Aura ETT”ko langileak ziren eta formalki empresa honetara lotuak zeuden. Hotelak erabaki hau hartu zuen lan-ikuskaritzak kontratazio iruzur bi salaketa jaso eta bere instalakuntzetan egiaztapenak egitera joatearen ondorioz.

Gauzak horrela, “Barcelo Renacimiento” kooperatiba faltsua zen “Aura ETT”-rekin zuen harremana eten, eta “Alterna Solutions”-en zerbitzuak kontratatu zituen. Baina, prozezu honetan CNT afiliatuak zeuden zortzi gela-zerbitzariak kaleratuak izan ziren, subrogazio gabe, kalte ordain ekonomiko barik, inolako azalpenik eman gabe eta langile berri batzuengatik ordezkatuak izan ziren.

Enpresarekin negoziazio saiakera baten ondoren hotelaren atearen aurrean langileek elkarretaratzeak, hainbat protesta ekintza eta aldarrikapen kanpainak egiten hasi zituzten. Borroka ez zen soilik berriz onartuak izatean oinarritzen, lan baldintzak, soldata, lanaldi, atsedenaldi eta oporretako baldintzak ere aldarrikatzen ziren; izan ere “Aura ETT”-rekin lan baldintza prekarioetan lan egiten zute; 1,50 € gelako, lanegun amaiezinak, destajuko lanak eta opor eta atsedenaldi ordaindu gabeak.

Azkenean, CNTk azaroaren hasieran Sevilla hiriko erdigunetik zortzi langileak berriz hartzeko aldarrituko zuen manifestazioa gertatu baino egun batzuk lehenago negoziazioak berriz hasi zituen. Momentu horretan protesta ekintza guztiak aldi baterako gelditu eta azkenean, negoziazio emankorraren ondorioz gatazkari bukaera eman zitzaion.

Akordioan, “Alterna Solutions” zortzi langileak 30 orduko kontratu eta ostalaritza enpresa-hitzarmenaren baldintzekin berriz hartzera konprometitu da. CNTra afiliatutako zortzi langileetako batzuk lanean hasi dira jadanik eta gainontzekoak urtea bukatu baino lehen hasiko dira.

Madrilen, EXE Hoteleko langileak (Hotusa taldea) epaiketaren zain daude subrogatuak ez izateagatik. Baina estatuko hoteletako langile guztiak antolatzen ari dira eta borrakaren bidez irabazten.

• CNTk dirua nola sortzen den hitzaldia larunbat honetan antolatu du Iruñean.
• "Jam Solo kantautoreak ekitaldia alaituko du" esan du erakunde anarkosindikalistak.