CNT-k kasuaren larritasuna salatu du, eta "enpresak oraindik ez du ezer argitu".
"Psikologoak pazientea lepotik hartu eta astindu ere egiten zuen" langileak azpimarratu du.

• CNT sindikatuak Gasteizko tabernan afiliatu batek jasandako sexu jazarpena salatu du
• "Azaroaren 16an tabernaren aurrean elkarretaratzea egin genuen, eta jabeak beldurrez itxi zuen", esan du erakunde anarkosindikalistak

Orain dela gutxi Gasteizen dagoen Vendetta tabernako langileen "egoera publikoa egin genuen", CNTk esan du. Lan esplotazio eta sexu jazarpen kasu bat salatu du erakunde sindikalak, zoritxarrez, ostalaritzan ohikoak direnak. "Agerikoa da sistema heteropatriarkalak hainbat aurpegi duela, horietako bat sexu jazarpena da", sindikatuko bozeramaleak esan du, "eta sexu jazarpen honek lan arrisku bat suposatzen du, emakumeek pairatzen dugun egiturazko diskriminazioaren parte dena".

Hori dela eta, azaroaren 16an "elkarretaratzea egin genuen, enpresariak ez baitio langileari behar den moduan soldata ordaintzen eta bai langilea baita beren inguruneko ezagunak estutzen dituelako", azpimarratu du CNTk. SEXU ERASOSIK EZ. Si nos tocan a una nos tocan a todas lemapean lagun eta familia batu ziren, kasuari buruz informazioa banatuz eta egoera salatuz, deialdiaren aurrean itxi zuen tabernaren aurrean.

"Autodefentsa anarkofeminista eta kideen arteko antolakuntza eta elkar laguntza azpimarratzen ditugu, emakumeen aurkako biolentzia egiten dutenen aurrean", azaldu du CNTk.

• CNTk erakunde sindikal, sozial eta politiko guztiei dei egiten die 2019ko apirilaren 20an Valle de los Caídos-era egingo den martxan parte hartzera.
• 2019an 60 urte beteko dira eraiki zenetik. Monumentu hau faxismoaren eta bando frankista gurtzeko erromes tokia da.

Valle de los Caídos 1940 eta 1958 artean eraiki zen, frankismo garaian, bando frankista eta Erregimenaren gorazarrerako, preso antifrankistek eraiki zutelarik. Bertan bi bandoetako 33.833 gorpu daude ehortzita, zifra hau egiazkoa baino txikiagoa dela dakigun arren.

Horiez gain, "monumentu" honetan José Antonio Primo de Rivera eta Francisco Franco ere daude. Lehenengoa Falangeren sortzailea, zeinak bere gain hartu zuen erakunde sindikal eta ezkerretako alderdietako kideen eta haien familien kontrako errepresio sistematikoa; matxinatutako tropen eta haien laguntzaile zibil zein eliza katolikoaren laguntzarekin. Bigarrena, militar kolpista, bando matxinatuaren buruzagi nagusia eta lau hamarkada amaigabetan zehar diktadorea.

Ulertezina da bere burua demokratikotzat duen herrialde batean urteetan zehar borroken ondorioz lortutako eskubideak txikitu zituztenak gurtuak izatea onartzea. Are ulertezinagoa da diktadorearen familiarekin honen lekualdatzea negoziatzea; betiere diktaduraren 40 urtetan lapurtutakoaren eta oraindik mantentzen dituzten prebendei esker hain aberatsa egin den familiaren onurarako. Hau herri aurreratuetan imajinaezina da. Alemaniak beste faxista esanguratsuen kasuan egindakoa proposatzen dugu, haien errautsak leku ezezagun batetan botatzea.

Eta Elizak, NBEren arabera Erregimenak burututako sarraskian ezinbesteko laguntzailea izan zenak, nor den argi utzi du, diktadorea Madrilgo Almudena Katedralean hilobiratzera gonbidatzen. Espero zitekeen.

Valle de los Caídos delakoak gerran zein diktaduran faxismoaren kontra borrokan hil zirenen kontrako irainaren adierazlea da. Gerra honek herriarentzat egundoko ondorioak ekarri zituen. Zibil eta borrokalariak hartuta, 500.000 hildako baino gehiago eta 450.000 pertsonatik gora erbesteratzea behartuak. Haietariko milaka kontzentrazio- eta heriotz-esparruetara deportatuak izan ziren, ehundaka mila frankismo garaian errepresaliatuak (Espainiar Estatua desagertu gehien dituen estatuen artean bigarrena da), emakume burusoildu eta bortxatuak, bizirik irauteko aukerarik gabe utziak, euren amei lapurtutako milaka ume jaioberri eta garaitutakoak umiliatzeko eta suntsitzeko beste hainbat jarduera.

Biktima haiek guztiek, emakume, gizon eta haiek izen-abizenak dituzte eta oroituak izan behar dira. Euren senideei entzun behar zaie eta haien dolua gordetzeko leku duina behar dute. Horrez gain haien borreroek epaituak eta historian merezi duten lekura kondenatuak izan behar dute; haien memoria eta krimenen gorazarrea egingo ez den lekuetatik kanpo.

Hau guztiagatik, Lanaren Konfederazio Nazionalak eskatzen du:

• José Antonio Primo de Rivera eta Francisco Franco Bahamonderen gorpuak handik kanpora eramatea.
• Monje beneditarren kanporatzea, hauen kontuen eta ondasunen ikuskapenarekin batera, eta Estatuak finantzatzeari uko egitea, ez han eta ez inon.
• Valle de los Caídos-en Frankismoaren biktimen oroimenerako lekua bilakatu. Sinbologia frankista guztia desagerrarazi, gurutzea batez ere.
• Inguru natural honen jatorrizko izena berreskuratu: "Cuelgamuros".
• Espainiar Estatuak, eta bere barneko erakunde guztiek, 1936ko estatu kolpea eta erregimen frankista publikoki eta ondorioekin gaitzestea.
• Valle de los Caídos-en hilobiratutako pertsona guztien dokumentazioa Estatuari, eta oro har herriari, ematea. Gaur egun monasterioko abadeak dauzka.
• Garaitu gisa, eta bere borreroarekin batera, hobiratuak izan ziren biktima guztiak handik ateratzea.
• Gorpuei ADN probak egitea hilketak epaitegietara eraman ahal izateko.
• 1977ko amnistia legea indargabetu.
• Prozesu hau guztia NBEko genozidio eta desagerpenetan adituen laguntzarekin burutzea.

Ustezko demokrazia eta utzikeri politikoan berrogei urte eman eta gero, erdizka egindako memoria historikoaren legeen eta frankistei egindako omenaldien (estatuak baimenduak batzuetan, bultzatuak bestetan) ondoren, erakunde guztiok batera lan egiteko ordua da. Oroigarri frankista hau genozidio frankistaren oroigarri bilakatzeko helburuarekin.

Ahanzturaren kontrako eta oroimenaren aldeko borroka oinarrizkoa da eskubideen eta askatasunaren alde borrokan daudenentzat. Gure esku dago frankismoak borroka hau irabazi ala galtzea. Gure senideek (CNTk hildako eta errepresaliatu guztiak hala hartzen ditu) oroituak izatea merezi dute. Gure iragana berreskuratzea hain borroka eta gurea duintasunez betetzea da.

Haien ideia eta aldarrikapenen oinordeko duinak izan gaitezen, argi eta ozen oihukatu dezagun: gerraren amaieratik 80 urte pasatu diren arren: Faxismoa ez da pasako! Gu pasatuko gara!

Oroimena, Duintasuna eta Borroka
Lanaren Konfederazio Nazionala

CNTk argi utzi nahi du "Erakunde Publikoek gertakari larri honen erantzuleak direla, larrialdi-arretan egin duten utzikeria dela eta": Gertakari honetan pertsona bat hil eta beste bat oso larri geratu da. Sua astearte gau honetan izan zen, Tuestan (Valdegovia), eta erakunde anarkosindikalistak salatu nahi du Erakunde Publikoek duten erantzukizun zuzena.

• “Proposamenak egin ditugu, negoziazioak hasteko asmoz, baina enpresaren erantzuna errepresioa izan da”, esan du CNTk
• Egoitza Mungian duen enpresak, ostalaritza eta partikularren artean edarien banaketa egiten ditu.

KATALUNIA ETA BALEARRETAKO CNT SINDIKATUAREN JARRERA KATALUNIAKO EGOERAREN AURREAN

Estatu oro errepresioan oinarritzen da eta bortizkeriaren bitartez indarrean mantentzen da, Katalunian bizi garenok egiaztatzen ari garen bezala. Estatuak, bere lurralde-osotasuna arriskuan ikusi duenean, ez du zalantzarik izan beren indar zapaltzaileak bereizketarik gabe erabiltzeko.

• "Katalunian gertatutakoa ikusita, eta emandako errepresioa dela eta, elkarretaratzea egiteko deia egiten dugu", esan du CNT sindikatuak.
• Eragile sindikal eta sozialei parte hartzeko deia egiten du.

• CNTk pentsio duin batzuen aldeko mobilizazioetan parte hartzeko deia zabaldu du.
• "Gure eskubidea dena lortu arte ez gara geldituko, gazteon etorkizuna jomugan baitago: pentsio duin batzuk", plataforma deitzaileak esan du.

• Pentsio Sistema Publikoa, pentsio publiko eta duin batzuk ziurtatzen duena.
• Pentsioei KPIren igoera aplikatzea, era egonkor batean.
• 1.080 eurotako gutxieneko pentsioa.
• Indarrean dauden pentsio erreformen derogazioa.
• Jasangarritasun faktorea atzera botatzea.
• Aurre jubilazioak ez zigortu.
• EPSV/BGAEn bitartez pentsio publikoak ordezteko saiakerekin bukatzea eta hauen zerga abantailekin amaitzea.

CNTk manifestazio hauetan parte hartzeko deia egiten du, erakunde sindikalaren arabera, "euren borroka langileriarena da, eta bada garaia klase elkartasuna adierazteko".

Argazkiaren iturria: Ecuador Etxea

• CNT sindikatuak UGTren jarrera salatu du, jaiegunetan irekitzearen aurkako plataforman baitago “baina pribatuan zabaltzearen alde egiten baitu”.
•  “Enpresak 24 ordu eskuragarri dauden langileak nahi ditu”, erakunde anarkosindikalistak salatu du.

Uztailaren hasieran Tiendas La Okak (Bilbon eta Getxon dagoena) negoziazio epe bat hasi zuen Bizkaiko merkataritza-elikadura lan hitzarmen kolektiboa atzean uzteko asmoz, beren helburua igande eta jaiegunetan zabaltzeko izanik. “Enpresak horren atzean zenbait urte daramatza”, zehaztu du CNTk, “eta Marques del Puerto kaleko dendan taberna zabaltzea izan da orain erabili duten aitzakia”.

Hasieratik UGT ontzat eman ditu enpresak esandako arrazoiak, “Bilboko denda zabaltzeari euren oniritzia emanez, Getxoko dendan lehenago egin zuen bezala”. Sail sindikalak “irekieraren helburu eta kostu ekonomikoa, zein langileri eragiten dion eta beste oinarrizko informazioa” eskatu zuen; gainera, argi utzi du neurri honekin “langileek enpresaren kudeaketa txarra ordaintzen dutela”, CNTk adierazi du: Marqués del Puertoko dendan taberna zabaldu dute, eta udal araudiaren arabera, hauxe zabaltzeko denda ere zabalik izan behar da. “Jaiegunetan zabaltzeko aitzakia hau izan da”.

UGTk egun horietan zabaltzeko sinatu du, “neurria zalantzan jarri barik eta sindikatuen partetik neurriaren kontrol minimo bat ezarri gabe”, azpimarratu du erakunde anarkosindikalistak. Argi eta garbi salatu behar sindikatu hau, jaiegunetan ixtearen aldeko plataforman baitago “baina pribatuan zabaltzearen alde egiten baitu”. Gutxi barru langileek neurriaren aurkako mobilizazioak egingo dituzte.

• Ostiral honetan, hilak 2, "The Antifascist" dokumentala emango dute Barakaldoko CNTren egoitzan.
• Dokumentala ostean, eztabaida bat izango da, "Reflexiones desde el Antifascismo" tituluarekin. Sare Antifaxista, CNT eta Ezkerraldea Anarkistako kideek parte hartuko dute.
•