Txirbilenean, Sestaoko Gizarte Zentro Okupatuan (Txabarri kalea, 6), maiatzaren 27an "Anarkiaren Jaialdia" ospatuko da. Adin ezberdinetarako ekitaldi asko izango dira eta jaialdiaren helburua "jai egun eta ekintza libertarioa bizi nahi duten pertsona guztiak biltzea da", Barakaldoko Lagun Ateneoak nabarmendu duen moduan. Jarduerak Ateneoak antolatzen ditu CNT sindikatuaren laguntzarekin.

CNT sindikatuak Euskal Autonomia Erkidegoko irakaskuntza publiko ez unibertsitarioan maiatzaren 16 eta 23ko egingo diren greba jardunaldietan parte hartzeko deia zabaldu du. Irakasleak, irakaskuntza bereziko irakasleak, sukaldeko eta garbiketako eta Haurreskolak Partzuergoko langileak greba egingo dute bi egun hauetan.

CNT-ko “Prentsa eta berriak” sailak jakinarazi ditu bekadunek pairatzen dituzten egoera larriak. Zentral anarkosindikalistaren ustez, askotan ematen dira egoera hauek arlo honetan. Honen azpian estaltzen da “lan harremanak salgai, eskubiderik gabe, geroago kontratatzeko aukera gutxirekin”.

Maiatzak 13 eta 14, Bilboko Azaroaren 25eko Plazan –Bailen kalearen ondoan eta FEVE geltokiaren aurrean- XIII. Liburu Anarkistaren Azoka egingo da eta berriro hiri honetara liburu libertario asko ekarriko dira. “Aukera paregabea da anarkismoak, gizarte libre bat lortzeko, eskaintzen dituen proposamen eta alternatibak ezagutzeko” nabarmendu du erakunde anarkosindikalistak.

Ostiral hau Lan Segurtasun eta Osasunaren Nazioarteko Eguna da. "Lan osasuna enpresaren betebeharra da, ez pribilegio bat", gogorarazi du CNTk.