Ez gara lan arloan soilik aritzen, jendartekoa ere gure bizitzaren parte baita: gizon ete emakumeen arteko berdintasun osoaren alde gaude; planetarentzako kaltegarria ez den garapen ekonomikoa nahi dugu, baliabideak agortzen ez dituen garapena eta ekologia bultzatuz; antimilitaristak gara gerra justurik ez dagoelako, gerra guztiek mina eta heriotza ekartzen diotelako ahulari eta boteretsua aberasten; Arraza, itxura, eta generoan oinarritutako diskriminazioa baztertzen dugu; Abertzaletasun haundi eta txikien kontra gaude, askotan aberri eta nazioaren izenean, langileak euren artean borrokatzera eraman dituztelako; lehenengo delitua eta gero gaizkilea  sortzen duen sistema baten erruz, hirurogei mila preso pilatzen ez diren herrialde bat nahi dugu; Hezkuntza libertario baten alde egiten dugu zeinean umeak lehiakortasunetik eta konsumismotik urrun heziko diren; Manipulazio eta sineskeria erlijiosoen kontra gaude; Askatusuna Berdintasuna eta Elkartasunaren alde dagigu kementsu.

Arrakasta lortu izan dugu, besteek, ehunka mila euro dituzten sindikatu eta abokatuek, lortu izan ez dutenetan. Hori gertatu izan da, ez garelako legezkotasunean oinarritu, baizik eta justizian, hau da bidezkotasunari begiratu izan diogu. CNTk heldutako edozein arazori ez dio utziko, onargarria den akordio bat lortu arte, epaileek arrazoia eman zein ez. Gure indarra ahitu arte ez dugu etsiko, eta pasa beharko da denbora horretarako. Liberatuen soldatarik ordaindu behar ez dugunez, gure baliabide guztiak, ekintza sindikalera bidera ditzakegu. Horri esker, gurea bezalako sindikatu ekonomikoki ez hain haundia, diru gehiago dauka aldarrikapenetan gastatzeko. Ekonomia ezkutuan, prekarietatearen munduan, enpresa txiki ertain eta haundietan, multinazionaletan, eta administrazio publikoan gure ekintza sindikalak, bere eraginkortasuna erakutsi izan du. ASTILLEROS, FERROVIAL, CLECE, AVE, CODEX, eta ehunka epresa gehiago behartu izan ditugu, negoziatzera eta langile elkartuen bultzadari amore ematera.

CNTren taktika, ekintza zuzena da. Honek esan nahi du gatazken konponbideak inplikatuta daudenek lortu behar dituztela, bitartekorik gabe. Modu honetan, aritzen ikasten dugu eta, horrela, erantzukizunak onartzen ditugu. Anarkosindikalista izateak erabakiak hartzea esan nahi du, eta erabakitzea oso zaila da: arazoak izatea da. Akordio bat lortu eta gero, praktikan ipintzean, enpresarioek ipintzen dituzten oztopoak topatuko dituzu. Haien helburua zuk gehiago lan egitea eta gutxiago kobratzea da. Zure interesak eta haienak, kontrakoak dira. Zuk gutxiago lan egin nahi duzu, hobeto bizi nahi duzu, eta horrek beraien planen aurka jotzen du.

CNTren printzipioak sindikalismo iraultzailearen ideietan oinarritzen dira:

a) Autogestioa: Inplikatu daudenak, horiek dira erabaki behar dutenak. Zugatik inork ez badu egiten lan, zugatik inork ez du erabaki behar. Horregatik asanblearioak gara; horregatik, afiliatuen asanbladak, beti, erabakitzen du.

b) Federalismoa: CNTko sindikatu bakoitzak autonomia dauka bere esparruan aritzeko, aldi berean, beste sindikatuekin konfederazioan biltzen dira elkarrekin jokatzeko.

c) Elkartasuna eta elkarren arteko babesa: CNTko sindikatu guztiek elkartasun ituna daukate: batek erasoren bat jasaten badu, guztiek erantzuten dute. Gauza bera gertatzen da sindikatu bakoitzeko afiliatuen artean.

Enpresa-sindikatu, arloko sindikatu eta ofizio anitzeko sindikatuez osatuta dago eta guztiak dira asanblearioak. Egitura horiek, ekintza zuzena erabiliko dute enpresa eta instituzioen aurrean. Ez dago tarteko negoziatzailerik eta era guztietako presio neurriak erabiliko dira aldarrikapenak lortzeko, betiere gizartea aldatzeko xedearekin.

Marko sindikal hori, erabat desberdina da beste sindikatuekiko, beste guztiek, hauteskunde sindikalak eta enpresa batzordeak hartzen baitituzte erreferentziatzat.

Ideia asanbleario guzti hauek, anarkismoan inspirazioa hartzen dute. Anarkismoa filosofia politikoa da, eta esaten du gizartea botererik gabe, bortxa barik eta indarkeriarik gabe antola daitekela. Gure ustez, beste pertsona batzuen izenean erabakitzen dituzten espezialista politikoak ez dira beharrezkoak. Pertsona bakoitza subiranoa da erabakitzeko. Ideia hauek gero eta zabalagoak daude talde askotan hierarkiaren printzipioekin nazkatuta. Autogestioa, deszentralizazioa, partaidetza… ideiak anarkistak dira. Badago anarkiari buruz ideia erratuta: askotan, kaos eta indarkeriaren sinonimo bat bezala erabiltzen da. Gure ustez, anarkia inposiziorik gabeko ordenaren eta askatasunaren sinonimoa da.

Gizartean erabateko aldaketa nahi dugu, soldatapeko lanaren abolizioa, gizarte iraultza. Geure helburua Komunismo Libertarioa da, sistema gizarte-ekonomiko hau askatasunean eta berdintasunean oinarritzen da. Eta pentsatzen dugu gure helburuak lortzeko medio koherenteak erabili behar ditugula. Denak ez du balio. Helburuak inoiz ez du mediorik justifikatzen. Berdintasunezko gizarte, libre eta anaikorra nahi badugu, geure erakundea eta geure ekintza berdintasunezkoa, anaikorra eta librea izan behar da.

Baina, era berean, estatuaren edo patronalaren erasoek erantzuna izan behar dutela pentsatzen dugu. Beste masaila ez dugu ipintzen eta injustizia ez dugu onartzen. Autodefentsaren printzipio honek ugazabekin eta instituzioekin liskarrak egotea suposatzen du. Horregatik, CNT anarkosindikalista da.

Sindikalismo iraultzailearen bateratzetik –langileen emantzipazioaren alde borroka egiten duena eta klase gizartearekin bukatu nahi duena- anarkismoarekin –hierarkiarik gabeko antolakuntzaren ideiekin, koherentzia, komunismo libertarioa…- anarkosindikalismoa sortu zen.

Pentsa daiteke hauteskunde horietara aurkeztu ezean, ez duzula inoiz ordezkaritza izango. Ez da egia. Zu zeu baino ez zara ordezkari. Zu zeu, zure arazoei zu zeu aurre egiten diezunean zara zeure ordezkari. Negoziatzeko eskubide guztia daukazu, borrokatzeko, zeuri dagozkizun gauzez erabakitzeko eskubidea. Ez ezazu hauteskundeen ordezkaritzaren kontu horretan sinetsi.

CNTk ordezkaritza dauka, bere afiliatuek ematen diotelako. Borrokatzen duenean, borroka hori justua delako. Eta CNTren aldarrikapenak langileenak direlako. Hori da ordezkaritza izatea, hori da indarra izatea, hori da duintasuna izatea. Bestea, hauteskundeena, telebistan agertzen den mozorro dantza bat baino ez da. Sinaduren, irrifarren eta sermoien dantza. Enpresari, agintarien eta diru-laguntzen dantza.

Lanaren Konfederazio Nazionala klaseko sindikatuen konfederazioa da, edozein lanbidetako langile elkartuz bereizketarik gabe.

CNT langile-klasearentzat borrokarako tresna da.

CNT ezberdina da. Demokrazia zuzena da gure ezaugarririk garrantzitsuena. Demokrazia zuzena guztion artean erabakiak hartzean datza. Geure estatutoek bermatzen dute, sindikatuan, asanbladak agintzen duela. Eta asanbladan, ahots guztiak berdinak dira. Zure bidea zuk zeuk erabakiko duzu.

CNTk urte asko dauka eta hemen, betidanik, erabakiak oinarritik hartu egin dira, jendeak parte hartzen du, ez dago nagusirik eta askatasun eta berdintasun osoz, ideiak, iritziak eta ekimenak elkartrukatzen dira. CNTn guztiok berdinak gara eta langileak ordezkatzeagatik inork ez du ezer kobratzen.

CNT 1910an sortu zen eta bere lorpen artean zortzi orduko lanaldia dago, larunbateko atsedena, oporraldiak ordainduta, eri-aseguruak, jubilazioa eta langabeziaren aurkako laguntzak, langabetuen beharrezko kontratazioa. Alokairuen grebak bultzatu zituen, eskolak, liburutegiak, argitaletxeak sortu zituen. Faxismoaren aurka borroka egin zuen eta, 1936an, lurra eta industria kolektibizatu zituen, Europan, XX. mendeko gizarte-eraldaketarik sakonena eraginez.

1.- Sindikatuko batzordeko partaide direnak eta beraz CNTko edozein batzordetako partaide direnak, ez dute bere militantziagatik soldatarik jasoko.

2.-  Batzordeak, kudeaketa eta koordinazio lanetarako dira, bertan beraz ezin erabakirik hartu. Sindikatuko batzarretako erabakiak garatu baino ezingo dute egin, erabakiak eta enkarguak garatu. Larrialdi edo behar batengatik ezer erabaki beharko balute, batzarrari kudeaketaren azalpenak eman beharko lizikiokete, eta azken horrek erabaki, jarrera onargarria izan den ala ez.

3.- Kargu guztiak edozein momentutan baliogabe daitezke. Batzarrak ordezkariak dimititzera behar ditzake, hala behar duela uste badu. Karguak txandakakoak izatearen alde egingo da beti.

4.- Batzordeak berez, ezingo dio Sindikatu Batzarrari proposamenik egin.

5.- Edozein batzordek, aukeratua izan ondoren, beste batzar batean eta botoen bidez izan beharko du onartua. Kargu guztiak, batzarraren menpe egongo dira beti.

6.- Alderdi politikoetako partaideek ezin dute CNTn kargurik izan.

7.- Batzarretan, batzordeek, idazkaritzek egindakoak azaldu beharko dituzte.

8.- CNTko batzordeek ez dute iritzi propiorik. Zerbait esaten dutenean, erakunde osoaren izenean eta bere akordioen izenean esango dute.

CNTn batzordea, ez da harremanetarako eta administraziorako mekanismo bat baino. Ez du botererik.

Gatazketan, langileok geure armak erabiliko ditugu:

Salaketak, manifestazioak, elkarretaratzeak, protesta ekintzak, panfletoak, prentsa oharrak, etab. dira hiritarrei gatazkaren berri emateko bidea eta era berean enpresak bere izen ona galtzea eragingo dutenak.

Boikota, enpresa bateko konsumitzaile eta erabiltzaileek produktua erabiltzeari utz diezaioten erabiliko dugu.

Sabotaiak, enpresak eskainitako produktua ekoiztua ez izatea du helburu.

Era guztietako grebek, enpresaren ekoizpena etengo dute.

Kultur ekintzak, oso garrantzitsuak dira. Txangoek, elkarbizitzek, kulturaldiek, kontzertuek, poesia emanaldiek, esposaketa artistikoek etab, sensibilizatzeko balio dute. Taberna eta telebistatik aterako gaituzte eta munduaren errealitatearen kontzientzia hartzen lagunduko digute.

CNTk parte hartzen duen gatazka oro, pausoz pauso enpresatik atera eta inguru hurbileko, eskualdeko, herrialdeko eta baita nazioarteko bihurtuko dugu. Elkartasuna eta elkarrekiko laguntzaren bidez, gatazka bere txikitasunetik aterata jende gehiagok hartzen du parte. Horrek zihurtatzen du enpresa txiki, ertain eta haundietako ekintzen arrakasta.