• Sare Antifaxistak, CGTk eta CNTk emanaldi eta hitzaldi bat antolatu dute otsailaren 13an Zirikan (Bilbo)
• Proiektatutako film-dokumentala "Modelo 77" izango da eta garai hartan bizitakoa testuinguruan kokatuko duten aktibistak izango ditu.

Torturaren aurkako egunarekin bat eginez, otsailaren 13an, 18:30ean, COPEL sortu zenetik gaur arte kartzelako eremuan izan diren borrokei eta horien ondorioei buruz hitz egingo da.

COPEL - Borrokan Dauden Presoen Koordinakundea hirurogeita hamarreko hamarkadan sortu zen, formalki amaitutako diktadura baten eta oraindik osatzen ari den erregimen demokratiko baten artean. Azken aldiko presoentzako auto-antolaketaren esperientzia ugariena eta eraginkorrena da. COPELek preso arruntenen aldarrikapenak batzen zituen bere baitan, protesta metodo sendoekin. Bere errepresio lotsagabeak oraindik pairatzen dugun erregimenaren izaera baldintzatu eta kalifikatu zuen. Hala eta guztiz ere, presoen eta kanpoko laguntza-taldeen autoantolaketak jarraitu egin du ordutik, ez bakarrik espetxeratze-baldintzak humanizatzeko, baita itxialdia bera kritikatzeko ere. COPEL, oraindik oroimenean dir-dir egiten duen borrokarako eta autoantolakuntzarako eredu bat izan zen, baina gaur egun presoen borrokak haztatzen ari dira ia bi mila pertsona preso hartzen dituzten espetxeetan.

Hasierako esperientzia horri eta geroko eta oraingo borrokei buruz, CGTk, CNTk eta Sare Antifaxistak hitzaldi bat antolatzen lagundu dute. Bertan, dokumental bat eman dute, non borroka haietako protagonistek  beren esperientziei buruz hitz egingo duten, garai hura testuinguruan kokatuko duten eta gaur egun egiten ari diren protestak kontatuko dituzten ekintzaileek lagunduta.

Joan den azaroaren 18an argitaratutako epaia irmoa delarik, epaitegiak Limpiezas Lombide kondenatu du 6.000 euroko kalte-ordaina ematera CNTko Sail Sindikalaren ordezkariari, benetako babes judizialerako duen oinarrizko eskubidea urratzeagatik.

Lehenago ere, Euskal Autonomia Erkidegoko Justizia Auzitegi Nagusiak arrazoia eman zion CNT sindikatuari, Lombidek CNTko ordezkariak garbitzen zituen jabe-erkidegoek enpresarekin zituzten zerbitzuak nahitaez bertan behera uzteko maniobrak egin zituelako, enpresan bere orduak murriztu ahal izateko. Justizia Auzitegi Nagusiak, bere epaian, baliogabetu egin zuen enpresak ezarritako lan-baldintzen funtsezko aldaraztea, CNT sindikatuak eragindako ekintza sindikal eta judizialen aurkako errepresalia baino, beste arrazoirik ez zegoelako.

Epai berri honek CNTko ordezkariari 6.000 euroko kalte-ordaina ematera kondenatzen du Limpiezas Lombide, benetako babes judizialerako duen oinarrizko eskubidea urratzeagatik. Horrez gain, Justizia Auzitegi Nagusiak ondoren baliogabetu zuen lanaldi-murrizketa aplikatu zuenetik, jatorrizko lanaldia itzuli arte sortutako soldata-aldeak ordaintzera kondenatzen du enpresa.

CNT sindikatuak oso modu positiboan baloratu du “epai honi bide eman dion Sail Sindikaleko kideek enpresan duten borroka. Beste behin ere, agerian geratu da gatazkako urte guztietan enpresak izan duen jarrera antisindikatala”. Zentral anarkosindikalistak Limpiezas Lombideko langile guztiei deia egin die “antolatzeko eta borrokatzeko, beren lan-eskubideak baliarazteko; izan ere, frogatuta geratu denez, enpresa honetan zalantzan baitaude”.

• Datorren abenduaren 15ean, 11: 00etan, Bilboko udaletxearen aurrean egingo den elkarretaratzean parte hartzeko deia egin du.

Denborazkotasuna gehiegikeriaz erabiltzen duen eta hautaketa-prozesu hau erabateko opakutasunez eta inposaketaz daraman Administrazioak dozenaka profesional kaleratuko ditu . Erantzukizunak erabakitzeko, zerbitzu publikoek pairatzen duten betiko prekarietatea salatzeko eta gure lankideei laguntzeko unea da.

Elkartasuna, gure armarik onena.

• Librantzako lanaldietarako dituzten 1000 ordu kendu nahi dizkie langile berriei
• Aldundiak denbora bikoitzera baino gehiago luzatu du praktika-aldia, eta orain epe horretan sortutako librantza orduak ukatu egin nahi dizkie izangaiei.

Azken oposizioaren hautaketa-prozesuaren zati gisa, izangaiek egin beharreko praktikaldia gehienez 3 hilabetekoa da, oinarriek ezartzen duten bezala.  Hala ere, Bizkaiko Foru Aldundiak praktiketako egoera honetan 7 hilabetez baino gehiago izan ditu izangaiak. Hau gutxi balitz, beren kideek egin duten lan bera egin ostean, bai ohiko bai ez ohiko lanaldietan,`norberaren gauzetarako baimena´ ukatu egin nahi die izangaiei, ordu nahikorik sartu ez dutela esanez. Jarrera honekin, Bizkaiko Fortu Aldundiak, musutruk 24 orduko guardia bana lortu egiten du 50 suhiltzaileetako bakoitzarengandik.

CNTren sail sindikalak  kaltetuekin batera erreklamazioa aurkeztu du zera esanez:  “Izangaiei tratu diskriminatzailea ematen ari zaiela uste dugu, nahiz eta gainerako karrerako funtzionarioek eta bitarteko funtzionarioek  egindako lan bera bete duten”.

Era berean, CNTk adierazi du “Aldundiak berehala utzi behar dio langileen eskubideak murrizteari, egoera hau ahalik eta azkarren konponduz, izangaiei familia, lan eta kontziliazio pertsonalean sortutako arazoak areagotu gabe”.

• CNTren Correoseko sail sindikalak azaroaren 28an greba deitu du beste sindikatuekin batera
• "Bidezko hitzarmen baten alde gelditzen gara, soldata-igoeretatik haratago doana, Correosen izaera publikoa blindatzea dugu helburu", adierazi dute sail sindikaletik

Lan-baldintzetan hobekuntzak eta kalitatezko posta-zerbitzu publikoa barne hartzen dituen Hitzarmen Kolektiboaren eta funtzionarioen Akordioaren negoziazioan aurrera egitea ezinezkoa denez, Correosen eta posta-langile guztien etorkizuna bermatuko duena, azaroaren 28an Correosen greba deitzea erabaki dute CGT, LAB, ESK, ELA, SiPcte, Intersindical Valenciana eta CNT sindikatuek.

Correoseko plantillaren baldintzak okerrera egiten jarraitzen dute, gero eta gehiago. Egoera jasanezina bihurtu da. Azken urteotan, erosteko ahalmenaren galera sekulakoa izan da, % 20 inguru (lan-kontratuko langileentzat) eta %25 (funtzionarioentzat), eta horrek kolektiboa LGSra hurbiltzen du modu arriskutsuan. Langileen gabezia sistematikoa eta etengabeko presioak lan-giro osasuntsu eta seguruan lan egitea eragozten dute, bai eta komunitatearen aldeko kalitatezko zerbitzu publikoa ematea ere.

IV. Hitzarmen Kolektiboa eta Funtzionarioentzako Akordioaren negozioazioaren bitartez (gaur egungo araudia 2011n sinatu zen), lan baldintza nagusiak hobetzea lortu nahi dugu, hala nola soldata, lanaldia, kontziliazioa eta lan-osasuna. Correoseko Zuzendaritza aldiz, gorabeheraz betetako negoziazio bat garatzen ari da, eta ez ditu argi aipatzen bere planteamenduak, agertu dituzten apurrak zeharo kaltegarriak direlarik, hala nola lanaldimodalitate berriak sortzeko asmoa, eta, zehazki, lanaldi zatitua ezartzearena.

Hurrengo Hitzarmenaren negoziazioari aurre egiteko errebindikazio-taulako eskarien artean, mobilizazioen eta greben egutegiaren muina direnak, honako hauek nabarmentzen dira: soldatak KPIarekin lotzeko soldata-berrikuspenaren klausula eratzea, asteko 35 lan orduen ezarpena, egiturazko plaza guztiak benetan betetzea eta mende honetan galdutako milaka lanpostuak errekuperatzea.

Era berean, erakunde deitzaileok instituzioei zuzendutako aldarrikapenak ere jasotzen ditugu, hala nola Posta Zerbitzu Unibertsala (PZU) emateko aurrekontu-partida handitzea – urtez urte murriztuz joan da, gaur egun 110 milioira jaitsi arte – eta Correoseko lan-kontratuko langileak Enplegatu Publikoaren Oinarrizko Estatutuan (EPOE) sartzea.

Helburua da neurri horiek garatuz premia larriko hobekuntzak lortzea, Correosen izaera publikoa blindatzea, eta ziurtatzea bere jarduera gizartearen beharrak asetzera bideratutako zerbitzuetan zentratua egongo dela. Azaroaren 28an lehen urratsa egingo da. Correoseko zuzendaritzak uko egiten badio posta-plantillaren eskaerei erantzuteari, eta SEPIk eta Gobernuak beste alde batera begiratzen jarraitzen badute, gatazkaren printzipioa baino ez da izango.

Elkarretaratzeak azaroak 28, astelehenean, Correoseko bulego nagusien aurrean:

Hitzarmen eta akordio bidezkoaren alde / Posta zerbitzu publiko baten alde

• 12:00. Sarasate pasealekua. Iruñea
• 11:00. Urkixu Zumarkalea, 19. Bilbo
• 11:00. Urdaneta, 7. Donostia
• 11:00. Postas, 9. Gasteiz

• Bilbon, Donostian, Gasteizen eta Iruñean elkarretaratzeak egin dituzte Estatu Mailako Mobilizazio Egunean

• "Nahiz eta eguraldi txarra izan, argi utzi nahi izan dugu klase elkartasuna, gaur egun, behar-beharrezkoa dela", adierazi du erakunde anarkosindikalistak.

"Sindikalismoa egitea ez da delitua" lelopean, estatu osoko 25 hiri baino gehiagotan mobilizatu da CNT, sei militanteren egoera judiziala adierazteko eta salatzeko. Militante hauek hiru urte eta erdiko kartzela-zigorra eta 150.000 euroko kalte-ordaina ditu. 180 elkarte eta erakundek baino gehiagok adierazi dute elkartasuna:Argitan, Ateneo Libertario «Lagun», Berri Otxoak, Kakitzat, Txirbilenea, Borrokan aldizkari/ekimen anarkista, Mamarigako kultur etxea, Orbeko Etxea, Alasbarricadas.org, Ezkerraldea Anarkista, Barakaldo Naturala Elkartea, Nafarroako Pentsionistak Martxan, ICEA – Instituto de Ciencias Económicas y de la Autogestión, Sare Antifaxista, Oficina de Derechos Sociales (ODS) – Gipuzkoa, RGI Santurtzi, CGT (CGT-LKN Bizkaia, Sección Sindical SFF-CGT Bizkaia, Confederación Territorial de Euskal Herria de la CGT, CGT-LKN Gipuzkoa), CCOO Gipuzkoa, ESK, STEILAS, beste batzuen artean. Sindikatutik "eskerrak ematen dizkiegu zuen elkartasun guztiari", adierazi dute CNTtik,"klase elkartasuna patronalaren eta botere ekonomikoaren igoera oldarkor honi aurre egiteko tresnarik onena delako ".

"Ez dugu konfiantzarik ustezko Justizian", adierazi dute antolatzaileek, eta, beraz, litekeena da "berriro kalera atera behar izatea, 6 kideentzako benetako justizia eskatzeko". Sindikalismoa egitea ez da delitua, eta horregatik "mobilizatu gara gaur, eta horretan jarraituko dugu gure kideekin justizia egiten ez den bitartean". Izan ere, IWWren leloak dioen bezala, eraso bat, guztien aurkako erasoa delako.

Iruñea

Gasteiz

Bilbo

Donostia

• Hezkuntza-sektoreko afiliazioak deialdiak babesten ditu eta parte hartzeko deia egiten du
• “Arriskuan dagoena Hezkuntza Publikoa da, eta lege-aurrekari hori baino haratago doa,” zentral anarkosindikalistatik adierazi dutenez

EAEko Hezkuntzari buruzko Legearen aurreproiektuaren aurrean, hezkuntza-arloko erakunde gehienak kritikoak izan dira, eta agerian geratu dira administrazioak, patronal pribatuek eta enpresa-erakundeak, hauek bakarrik babestu dutelako.

Aurreproiektu honen aurka egiteko arrazoiak anitzak dira. Ez die erantzuten euskal hezkuntza-sistemaren beharrei, eta ez dakar inolako aurrerapenik indarrean dagoen legearekiko. Egungo sistema duala indartzera mugatzen da, euskal hezkuntza-sistemaren pribatizazioan sakonduz. Gainera, ez die eskola publikoaren beharrei erantzuten, eta ez du euskal hezkuntza-sistemaren ardatz bihurtzen. Laburbilduz, ez du konponbiderik ematen eta gaur egun dauden arazoak kroniko bihurtzen ditu.

Testuinguru horretan, ELA, LAB eta Steilas sindikatuek greba sektoriala deitu dute azaroaren 30ean eta abenduaren 14an. Sindikatu deitzaileek egiten dituzten aldarrikapenak, oro har, sen onekoak direla uste dugu. Baina, era berean, uste dugu erakundeok greba puntualak egitea baino gehiago lortzeko erantzukizuna dugula. Helburua da langileak eta familiak inplikatzea, aurreproiektu hau bertan behera uzteko ez ezik, hezkuntza-eremuari eragiten dioten erabakietan langileek eta sektoreko gainerako kolektiboek ere parte har dezaten lortzeko. Arrazoi horiengatik, CNTko irakaskuntzako langileok bi greba-egunak babesten ditugu, sektoreko gure lankideei aktiboki bat egitera animatuz.

• CCOO, LAB, UGT, ESK, CGT eta CNT sindikatuek osatzen dugun gehiengo sindikalak grebara deitu dugu azaroaren 28tik abenduaren 2ra.
• "Positiboki baloratzen ditugu egindako greba-egunak, baina beste urrats bat eman behar dugula uste dugu", adierazi dute CNTtik

Azaroaren 2an amaitu zen Bizkaiko metalgintzako greben azken fasea. Greben jarraipena oso altua izan da. Metaleko langileek sektoreko enpresen ekoizpena 6 egunez etetea lortu dute. Horrela, FVEMen azken eskaintzaren aurkako jarrera irmoa erakutsi dutelarik. Eskaintza horrek sektoreko lan-baldintzak pobretu eta prekarizatzen ditu, akordioa blokeatzen ari diren enpresek etekinak metatzen dituzten bitartean, hala nola Tecunik 3 milioi euro baino gehiagoko irabaziak ditu, Artechek ia 9 milioi euro, Sidenor taldeak 25 milioi euro baino gehiago, Ormazabal taldeak 11 milioi inguruko irabaziak eta Elduk 6 milioi eta erdiko irabaziak.

Sei greba egun hauetan, FVEMek konplize bat izan du, Eusko Jaurlaritza, EAJ - PSOE, patronalaren asmoen aurrean isilik egoteaz gain, Ertzaintza langileak atxilotzera, kriminalizatzera eta jipoitzera bidaltzen duena. Orain arte egindako 6 greba-egunen balantzea honako hau da: 2 langile atxilotu, identifikazio eta atxikipen ugariak, atzamar bat hautsita duen langile bat, tendoi bat hautsita duen beste langile bat, eta kolpatutako eta ubelduak dituzten langile ugari, eta mozal legearen ondorio diren  isun handiak, jadanik iristen hasiak direnak. Hemendik Eusko Jaurlaritzari galdetzen diogu, hau al da Bizkaiko metalgintzako langileentzako duen eskaintza?

Grebek izan duten jarraipena eta sektoreko langileek izan duten jarrera ikusita, intersindikalak azken greba egin zuenetik 2 egun igaro ondoren, hurrengo greben datak argitaratu genituen eta mezu argia bidali genion FVEMi: hurrengo bileran sektoreari entzun gabe jarraituz gero eta akordio batera iristeko eduki nahikorik aurkeztu ezean, gatazka gogortu egingo dela  eta astebeteko greba-deialdia eramango dugula aurrera.

Azaroaren 8an egindako bileran, FVEMek berriro ere akordiorako aukera bat alferrik galdu du.

Azken hiru greba egunen ondoren, milaka grebalari ikusi ditugularik kalera irteten, aurrerapenak dituen hitzarmen bat defendatzera Patronala gutxieneko hobekuntza batekin etorri da bilerara, ehuneko puntu bateko soldata-igoerarekin, tauletan erosteko ahalmena bermatu gabe eta malgutasunean, gutxieneko bermean eta aldi baterako ezintasun-osagarrietan zituen atzerapenak mantenduz.

Hori dela eta, atzo, negoziazio-mahaiaren bileraren ondoren, beste 5 greba-egun erregistratu genituen, azaroaren 28tik abenduaren 2ra. Patronalak bere asmoetan tematuta jarraitzen badu, egun horietan berriro ere ekoizpena geldituko dugu, eta berriz  antolatuko gara piketeetan goizeko 5: 00etan, eta ez Eusko Jaurlaritzak eta EAJk bidalitako Ertzaintzaren errepresioak, ezta patronalaren gezurrek eta manipulazioek, ez dute geldiaraziko  bere lan eta bizi baldintzak amaiera arte defendatzeko prest dagoen sektore ba.

Greba-egunak baino lehen eta egun horietan, erosteko ahalmena bermatzen duten soldata-igoerak eta beste esparru batzuetan (subrogazioa, lanaldia, lizentziak...) hobekuntzak ukatzen dituzten enpresak aipatuko eta blokeatuko ditugu berriro. Hera berean, langileen alde jarri beharrean, patronalarekin lerrokatzen direnak enpresa eta eragileak seinalatuko eta interpelatuko ditugu.