CNT sindikatuak Enplegu Ministerioak abenduaren 2an argitaratutako datuak aztertu ditu. “Ezin dugu esan enplegu erreala sortu denik, nahiz eta espainiar gobernuak desenpleguaren murrizketari buruz hitz egin”, zentral anarkosindikalistak esan du, “argitaratutako datuak aztertuz, kontratuen %90ra behin behinekoak baitira, eta kontratu mugagabeen artean, erdia lanaldi partzialekoa da”, hau da, gutxi barru beraien lana galduko dutela.

CNT sindikatuak, ostegun honetan, hilaren 22an, Gasteizen egingo den Suhiltzaile zerbitzuan eskastasunaren aurkako manifestazioan parte hartzera deitu du. Mobilizazioa Arabako hiriburuko udaletxetik, goizeko 11:00etan aterako da eta Lakuan, Eusko Jaurlaritzaren egoitzan, bukatuko da.

Gipuzkoako patronalen capo di tutti capi, Gibelaldek, harroputza dela erakutsi du (ezer berria), menderaezinak direla uste baitute. Euskal Herriko klase-borrokan, ADEGIko lehendakariak esandakoa kapitalisten ofentsiba gogorra agerian uzten du.

Datorren asteazkenean, hilaren 21an, arratsaldeko 19.00etan, Bilboko La Bolsa hiri-gunean (Pelota Kalea, 10) “Ouróboros. La espiral de la pobreza” dokumentala emango da. Ekitaldian -CNT sindikatuak antolatuta- Julio Reyero, dokumentalaren sortzaileetariko bat, egongo da.

CNT sindikatuak merkataritzan gehiegikerizko kasu berri bat ezagutarazi du. Kasu honetan, Popompa enpresa da, Getxoko haurrentzako arroparen jabea. “Zuzendaritzak ez ditu kontratuak sinatzen eta ez du ordaintzen langileei zor diena”, azaldu du erakunde anarkosindikalistak.