CNT sindikatua, gaur goizean, Loiuko aireportuan bildu da, Spanair aire-konpainiaren kaleratzeak salatzeko. Ixtearen ondorioz, 2400 pertsona inguru kalean geratu dira. Bere erreibinkazioen artean, “langile osoa birkokatu” eta “enpresarien inpunitatearen amaiera”.

CNT sindikatuak, Bilboko kaleetan larunbateko manifestazioak izan duen babes zabala nabarmendu du. “Milaka langilek langileriaren aurkako eraso berri bati aurre egin diote. Lan erreforma honekin geure eskubideak, berriro, beheragotzen dituzte”, erakunde anarkosindikalistak esan du.

Gaur arratsaldean, otsailak 22a, CNTk elkarretaratze bat burutu du PPk Barakaldon duen egoitzaren aurrean. Lehen PSOEren egoitzen aurrean elkarretaratzen ginen, orain PPrenak direnen aurrean dagigu. Langileoi berdin zaigu nor den gobernuan, batak zein besteak gure lan-baldintzak nahiz hiritar eskubideak murrizten dituzte.

Otsailak 17an, ostirala, nazioarteko borroka egunaren baitan, CNTko bizkaiatar militante batzuk ABBk Trapagaranen duen egoitzaren aurrean elkarretaratu ginen. Córdoba-n azaroak 28tik greba mugagabean diren kideei gure elkartasuna azaltzea zen xedea. Aipaturiko grebaren helburua hirukoitza da: lanpostuen defentsa, ABBk Córdoba-n dituen gainontzeko langileekiko parekideak diren lan-baldintzen lorpena eta greba eskubidea bermatzea.

Otsailak 15eko Euskal Herriko Agintaritzaren Aldizkariak hiru ebaspen polemiko argitaratu zituen. Azaroak 29an Lanbidek harturiko erabakiaren ondorioz, Eusko Jaurlaritzak 4,5 milioi euro eman dizkie CCOO eta UGT “sindikatuei”. Horra hor Patxi López lehendakari eta PSOEren erlazio politikoetarako idazkariak bere laguntxoei oparituriko mauka.