CNT sindikatuak, Aste Nagusiarekin batera, Bilboko Ercilla Hoteletan “nagusikeriaren eta gehiegikeriaren” aurkako astebeteko mobilizazioei hasiera eman die. “Jai-aste honetan, Ercilla hiriko lekurik bisitatuenetako bat da, hori dela eta jakinarazi nahi dizuegu hotel honek, nahiz eta aurpegi atsegin eta modernoa izan, langileriaren eskubideak murriztu nahi dituela”, azaldu du.

CNTk Espainiako Gobernuak bultzatu duen Mutuen Lege berriaren aurkako borrokara deitu du. Sindikatuaren ustez “langileriaren eskubideen aurka Gobernuaren eraso berri bat da. Langileok, enpresarien aurrean, gero eta babesgabeago geratzen gara”. “Patronalaren terrorismoak, milaka hildako eragin dituena, arma gehiago dauka gure odola zurrupatzeko”, adierazi du.

“Enpresa honen politika esplotatzaile eta erasotzailea eraldatu eta bere langileriaren lan baldintzak hobetu arte, ez dugu borroka utziko”. Sendo azaldu da The Phone House-eko CNTko sail sindikala, telefonia mugikorreko enpresa ezagun honek Iruñean duen dendaren aurrean egindako elkarretaratzearen ondoren.

Félix Padín, euskal anarkosindikalista historikoak, frankismoaren preso ohia, Miranda de Ebroko epaimahaian deklaratu du astelehen honetan. Bertan, herri honetako kontzentrazio esparruetan pasatako uneak gogoratu ditu. “Felixek gaur ahotsa eman die estatu terrorismoa sufritu zuten milaka lagunei, eta estatu berak –demokratikoz mozorrotuta– polizia eta militar hiltzaileak babesten jarraitzen dituela ikusten duten lagunei”, baloratu du CNTk.

Decathlon enpresak jaiegunetan bere dendak irekitzeko asmoak eragin duen polemika dela eta, CNT sindikatuak ordutegiak eta irekitzeko egunak mugatzea proposatu du. “Denda kate honetan soilik ez, saltoki handi guztietan baizik”, laneko bizitza eta pertsonalaren arteko kontziliazioa baimenduz.