• Urriko lehen astean hainbat jarduera egingo dira Bilboko Zazpi Kaleetako lokalean
• Malatestatik adierazi dutenez, “martxan dauden benetako proiektuei buruzko hitzaldiak eta liburu aurkezpen bat” egingo dira

Urriaren 5ean hasiko da Malatesta Kultur Lubakian (Somera 10, Zapikaleak, Bilbo) elikadura subiranotasunaren eta ekologismo integralaren inguruko jardunaldi zikloa.

Patricia Rapson eta Kepa Añibarro, Berpiztu Permakultura proiektukoak, ekosistema eta permakultura birsortzeari buruz mintzatuko dira asteazkenean, hilak 5, 19:30ean. Ostegunean, hilak 6, ordu berean, Kidekoop kontsumo-kooperatibak bere proiektua azalduko du, elikadura- eta kontsumo-subiranotasunaz hitz egiteaz gain Bilbon. Eta zikloari amaiera emateko, larunbatean, hilak 8, eguerdiko 12:00etan, Pedro A. Morenok Nuevas Institucionalidades. La apuesta organizativa del Ecologismo Integral liburua aurkeztuko du, gure ekosistemak ez kolapsatzeko, langileen bizitza duintzeko eta herrietako kultura babesteko ezkerrera gero eta tarte gutxiago geratzen dela azpimarratu nahi duena.

Horrela, Malatesta Kultur Lubakiak ikuspegi ekologiko eta integral batetik hainbat alderdi jorratu nahi izan ditu, gaur egun kontsumoari eta ingurumenari buruz egiten ari diren hausnarketetan ekarpen xume bat egiteko.