Aurten ere, CNTk bere babesa erakutsi du, eta bere gain hartu ditu LGTBI+ Harrotasunaren Nazioarteko Egunaren aldarrikapenak. Aldarrikapen horiek kaleak manifestazioz eta protestaz beteko dituzte lurralde guztietan, LGTBI+ kolektiboaren eskubideak aldarrikatzeko eta orain arte lortutakoa defendatzeko. Frankismoaren diktadura militarraren azken urteetan hasi ziren kolektiboaren borroka-hamarkadak, eta gaur egun ere indarrean jarraitzen dute, aniztasun sexualaren, eskubideen, integritatearen eta duintasunaren aurkako mehatxu berrien aurrean.
Mugimendu erreakzionarioen eta ultrakontserbadoreen itzalak arriskuan jartzen ditu LGTBI+ eskubideak, emakumeen eskubideekin batera: Brasilgo Bolsonaroren eta Errusiako Putinen politika lgtbifobikoetatik hasi, eta Hungariako gobernuaren azken mugimenduetara, LGTBI+ kolektiboaren aurkako lege berri bat ezarri berri baitu. Eta noski, Polonian sortutako LGTB ideologiarik gabeko herri eta zonaldeak zenbait lekutan. Paradojikoki, oso jendetsuak izan ziren azken honetan mugimendu feministaren abortatzeko eskubidearen aldeko adierazpenak.
Sexu bereko ezkontza-eskubidearen aurkako adierazpenak, plataforma ultrakatoliko eta ultraeskuindarren autobus transfobikoa, Gallardonen Abortuaren Legea hondatzeko saiakera, emakumeak kliniken ateetara izorratzeko asmoz jarraitzen dituzten “pro-vida” taldeak, sententzia misogino eta matxistak, hala nola, ‘manada’ren kasua, edo erasotzaileei babesa ematen dietenak. Etengabeko pultsu bati egin behar diogu aurre, eta ezerk ez du adierazten lasaitu gaitezkeenik. Are gutxiago desmobilizatu edo zatitu.
Lan esparruan, genero-identitateagatik edo sexu-orientazioagatik diskriminazioa oraindik ere errealitate bat da. Errealitate horrek bereziki zigortzen ditu trans pertsonak, eta horrexegatik sindikatu feminista eta solidarioa behar dute, langile trans hauek lan- esparrutik desager ez daitezen. Aurten, langile-klasearen aniztasuna, tranpa izan beharrean, gertaera historikoa dela aldarrikatzen dugu, eta horregatik, CNTn sindikatu batek borrokatzeko duen indar kolektiboa topatuko duzu.
