Ildo horretan, CNTk nabarmendu du elkartasun ekintzak, besteak beste, Salamancan, Leonen, Guadalajaran, Burgosen, Aranda de Dueron, Iruñean, Madrilen, Aranjuezen eta Lorcan egin direla. Leku hauetan, militante anarkosindikalistek haien eskakizunak The Phone Houseko bulegoetara eraman dituzte eta han gertatzen diren eskubideen urratzeaz ohartarazi dute.

“The Phone Houseko langileekin elkartasunean kalera atera diren lagun guztiei haien ahalegina eskertu nahi diegu”, erakunde anarkosindikalistak nabarmendu du. Ildo horretan, langileen duintasuna azpimarratu du. “Enpresaren aurrean ez dute beraien burua makurtzen eta, gainera, pausu bat aurrera eman dute beraiena dena aldarrikatuz”, esan du.