• Martxoaren 17an Euskal Herriko Mugimendu Feministak sindikatu, alderdi politiko eta gizarte eragileei deia luzatu zien martxoan
• “Parte hartzea eta mahaiak egindako lana ezagutaraztea beharrezkoa da”, azpimarratu du CNT sindikatuak

Osasun arloko krisialdia hasi zenean, mugimendu feministak hainbat gizarte eragileei “mahai tekniko bat osatzeko deia egin zuen”, esan du CNTk. “Mugimendu feministak asmo argia du zainketen kudeaketa gobernuen eta estatuen esku ez uzteko, historikoki zaintzak modu eskasean bideratu edo tratatu dituzten administrazioak baitira”.

Apirilean hausnarketak eta proposamenak biltzen dituen dokumentua argitaratu da. Testuingurua eta egoeraren diagnostikoaren ostean, dokumentuak eskaerak eta exijentziak biltzen ditu, lau multzotan: feminizatutako eta ikusezin bihurtutako eremu sozioekonomikoak; indarkeriak; lurraldeko-kidegoetako indarkeria eta bizitzaren degradazioa eta autonomiaren galera.

Dokumentua hurrengo estekan eskuragarri dago.