Enpresa Berreskuratuen VI topaketa Buenos Airesen ospatuko da

Abuztuaren amaieran Langileen Ekonomia VI Nazioarteko topaketa ospatuko da Argentinan.
"Enpresak berreskuratu nahi ditugun erakundeontzako, data garrantzitsua da", azpimarratu du CNT sindikatuak.

"Langileen Ekonomia" VI Nazioarteko Topaketa Argentinan ospatuko da, abuztuaren 30retik irailaren 2a artean. CNTk Europa eta Mediterraneo inguruko topaketetan parte hartu zuen orain dela urte pare bat, eta langileek berreskuratutako BAUEN hotela kaleratzeko arriskua jasan duenean, geure elkartasuna adierazi izan diegu.

Topaketen sarrera BAUEN hotelean izango da (Buenos Aires) eta berreskuratutako Textiles Pigüén kooperatiban jarraituko dute. Parte hartzea zabalik dago, enpresa berreskuratu eta autogestionatutako langile, kooperatiba eta gizarte eragile eta erakunde sindikalek gonbidapena zabalik dute; baita akademia munduko langileak ere.
VI. ekitaldi honetan topaketen urteurrena ospa-tuko da. Orain dela hamar urte, Buenos Aireseko Unibertsitatean lehenengo jardunaldiak ospatu ziren; gerora Mexikon (2011), Brasil (2013) eta Venezuelan (2015) jarraipena izan dute.

Kapitalismoa gero eta gogorrago jotzen duen garai hauetan, autogestioan oinarritutako langileon ekonomia alternatiba erreal batean bilakatzen ari da, prekarietate eta langabeziari aurre egiteko bide nagusiena izanda. Horregatik Argentinan ospatuko da VI. Topaketa hau, herrialde honen langileek azken hamarkadetan autogestioa oinarritzat duten enpresa kooperatibo berreskuratuen esperientzia luzea baita. 2015ko abenduan 315 enpresa berreskuratu zeuden, 13.000 langile enplegatuz.

Gogoratu behar dugu CNTren azken helburua enpresak langileen esku uztea dela, eta esperientzia hauetatik asko ikasi behar dugula.

Informazio gehiago www.recuperadasdoc.com.ar web orrialdean

Kaleratutako langilea Ecoespacio enpresan berriz hartzeko eskatzeko mobilizatu da CNT

Zentral anarkosindikalistak elkarretaratzea egin du enpresak Basaurin duen egoitzaren aurrean, bere lankidearen aurkako jazarpena salatzeko. CNTk azpimarratu du “sindikatuen errepresioaren adibide argia” dela eta kaleratzeak bertan behera uzteko eskatu dio zuzendaritzari. Iberdrolako linea elektrikoak mantentzeaz arduratzen den Ecoespacioko CNTren atal sindikalak manifestazioa egin du ostegun honetan, “bere eskubideak defendatzeagatik” kaleratutako langilea berriz hartzea eskatzeko, zentral anarkosindikalistak azpimarratu duenez. Basauriko lantokian egindako elkarretaratze batean, berehala berriz hartzeko eskatu zuen. “Enpresaren aurkako salaketa aurkeztu ostean, langile hori, CNTko sekzioko kidea, Ecoespaciok kaleratu zuen errepresio sindikalaren adibide garbi batean”, adierazi du sindikatuak elkarretaratzean. Zentzu horretan, “Kaleratze bidegabea eta sindikatuen aldarrikapenen aurkako eraso argia” dela azpimarratu du. “Ecoespaciok bere esku du gatazka hau bideratzea, gure lankidea berriro onartuz eta sindikatuekin hitz egitera eseriz”, azpimarratu du. Era berean, CNTk azpimarratu duenez, “Mobilizazioak eta neurri sindikalak areagotu egingo dira, Ecoespaciok bere politika antisindikala zuzentzen ez badu”.

Iruñean, Eurofirms enpresaren aurkako ekintzak aurrera darraite

"Eurofirms enpresarekin dugun gatatzak aurrera doa", esan du CNTk. Mobilizazioen helburua afiliatua lanera itzultzea da Joan den astean, CNTk Eurofirms Iruñean duen bulegoaren aurrean pikete bat egin zuen, kaleratutako Pape langilea babesteko. Kidea bere lan eskubideak eskatzeagatik kaleratua izan da.Joan den abenduaren 12an, Pape, sindikatuan afiliatua dena, kaleratze gutun bat jaso zuen. Aniser Facility-ren zuzendaritzak lan-harremanari amaiera emateko erabakiaren berri ematen zion, enpresaren kudeaketako langileei errespetu falta erakusteagatik. Pape Aniser Facility-ri lotutako ETT Eurofirms bitartez kontratatuta zegoen. Aniser Facility enpresa Euroestampaciones SA enpresaren azpikontrata bat da."Argi daukagu kaleratzearen benetako arrazoia, langile gisa dituen eskubideak erreklamatzea izan dela", azpimarratu du CNTk. Hori dela eta, informazio-dinamikarekin jarraitzen du, Iruñako Eurofirms egoitzaren aurrean (Monasterio de Iharte kalean) eta, joan den ostegunean, langileak berriz lanera bueltatzea eskatu zuten. Gainera, enpresak langileekiko duen harremana zein den auzokideei azaldu zitzaien.Ostegunean, " sindikatuen mobilizazioa ikusi bezain laster bulegoak persianak itxi zituen", esan du erakunde anarkosindikalistak. "Lanera bueltatu arte, presio neurriak handitzen joango dira", azpimarratu du CNTk.