Azterketen filtrazioen ondorioz Osakidetzan funtzio publikorako sarbidean izandako azken ustelkeria-salaketak "ez dira Euskal Osasun Zerbitzuan funtzio publikora sartu nahi duten langileen eskubide-urraketa bakarrak, bitarteko langile gisa edo aldi baterako langile gisa, zigorgabetasun kutsuarekin erakunde publiko honek egiten dituenak", salatu du CNTk.

Sindikatuaren arabera, "Funtzio publikora berdintasun-, merezimendu- eta gaitasun-printzipioen arabera sartzea sistematikoki urratzen da Osakidetzako langileen kategoria askotan". "Ez da soilik LEParen eredua aldatu behar, baizik eta aldi baterako kontratazio sistema bidegabe hau, kontratazioak ESIetako langileen atalen irizpidearen menpe uzten dituena, entxufismoa ohiko praktika bihurtuz", nabarmendu du.

Horren harira, CNTk adierazi du "Osakidetzako aldi baterako langile guztiek, eta batez ere kontratazio-zerrendak azkar agortzen diren kategorietakoek, badakite Curriculum Vitaea ospitaleetako langile-ataletara eramatea urteko aldi jakin batzuetan lan egiteko eta puntuatzen joateko modua dela".

Haren ustez, "Kontratazio sistema ilun hori, batez ere, ireki gabe urteak daramatzaten lan-poltsak berehala agortzen diren kategorietan agertzen da". "Hori gertatzen denean, ESIek CVen arabera kontratatzen dituzte, nahierara. Batzuk beren irizpideak erabiliz eta beste batzuk zentralak Gasteizen emandako legez kanpoko zuzentarauetara egokituz", adierazi du CNTk.

Sindikatuak Barrualde-Galdakao ESIan Erradiodiagnostikoko Teknikari Espezialisten (ETEen) kontratazioa aipatu du, eta hori "sistematikoki errepikatzen da beste ESI batzuetan". Ospitale honetako kontratazio-sailak argi eta garbi adierazi dio telefonoz deitzen dien edonori, ETE kategoriarako, ospitale horretan praktikak egin dituzten pertsonak baino ez dituztela kontratatzen, eta, horrela, gainerako pertsonak diskriminatu egiten ditu; izan ere, kontratazio-dinamika horretan, curriculum bidez lanpostu hori ere eskuratu ahal izango lukete", adierazi du.

"Osakidetzan aldi baterako lan egitea ez da soilik soldata bat etxera eramatea, zerrenda batzuetan puntuatzea ere bada, non entxufatutakoek aise gaindituko dituzten zerrendakideak. Baina ez da hori bakarrik, pertsonei kalitatezko osasun-zerbitzua ematea da, eta nepotismoa ahalbidetzen duen langileak hautatzeko sistema batek ezingo du inoiz hori bete", azpimarratu du.

CNTk uste du Curriculum Vitaeen aukeraketan oinarritutako funtzio publikorako sarbidea legez kanpokoa dela, eta ez dela berdintasun-, merezimendu- eta gaitasun-printzipioen arabera egiten, txandakako gobernuen interesen eta sindikatuen utzikeriaren ondorioz langile gehienei beren kategorietako lan-poltsetan izena ematea eragozten zaielako, urte asko pasatzen baitituzte ireki gabe".

  • Foru Aldundiaren hitzetan, sail sindikala ez dago osatuta. "Sindikatuak egindako erreklamazioei erantzunik ez emateko eta eskubideak galarazteko" hartu du erabaki hori, CNTren iritziz
  • Suhiltzaile Zerbitzuko Buruzagitzak sindikatuko delegatuaren bilera eskubidea urratu du, asanbladara joaten galaraziz; CNT beste sindikatuekin deitzaileen artean dago

Sail sindikala eratu zenetik, Foru Aldundiak denbora guztian honen existentzia ukatu du, ordezkari sindikalari zilegitasuna kenduz, esanez "CNTko sail sindikalak ez du inolako zilegitasunik Foru Aldundian eta IFASen jarduteko".

Foru Aldundiak sail sindikalaren ukapen honek prestakuntza sindikala eta Lan Arriskuetako Prebentzio prestakuntza galarazteko erabili du; jardunaldietara joatea ukatu dio, aparteko orduen ordainketa ez dio egin, dagozkion lan funtzioen esleipena ukatu dio, eta abar luze bat. Guzti hori nahiz eta Lan Hitzarmen Kolektiboak aitortutako eskubideak izan, bai sail sindikaleko ordezkari gisa izateagatik, baita administrazioko enplegatua izateagatik.

Beste kasu batzuetan, lan-arriskuen ebaluatzeko eskabideen aurrean ez da erantzunik eman.

Era berean, 2018ko M8 greba egunean, Aldundiak CNTk egindako 24 orduko deialdia alboratu zuen, "Foru Aldundian jarduten ez duen sindikatua" zela esanez.

Astelehenean, hilak 27, Bizkaiko Foru Aldundiko suhiltzaileen kolektiboak Asanblada Orokorra deitu zuen. Gure ordezkariak berriro ere, bere bilera eskubidea urratua izan du. Bere ordutegiaren barruan batzarrera joateko baimena ukatu dio Foru Aldundiak, Aldundiaren zerbitzura dauden langile guztiek duten eskubidea dena. Asanblada Orokorrak Foru Aldundian dauden sindikatu guztiak bertan egotea eskatzen zuen; gainera, CNT parte hartu zuen asanbladaren antolakuntzan.

CNTk Bizkaiko Foru Aldundiaren jarrera antisindikal guztiak berehala etetea eskatzen du.

Agenda

03 Ira 2020;
06:00PM - 08:00PM
Barakaldo - Asesoría / Aholkularitza
10 Ira 2020;
06:00PM - 08:00PM
Barakaldo - Asesoría / Aholkularitza
17 Ira 2020;
06:00PM - 08:00PM
Barakaldo - Asesoría / Aholkularitza

Azken berritasunak