El Corte Inglesek grebalariak erreprimitzen ditu

"Grebalarien aldeko erremintarik indartsuena elkartasuna da", azpimarratu du erakunde anarkosindikalistak.
CNTren iritziz, "azken atxiloketak langileriaren aurkako kapitalista hauen beste eraso bat da".

Sindikatu honen grebalarien aurkako epai-prozesu bat zabaldu zuen El Corte Inglés enpresak 2012ko martxoaren 29ko greba zela eta. "Epai-prozesua aurrera jarraitzen zuenez, boikot kanpaina bat hasi genuen Bartzelonan" esan du erakunde anarkosindikalistak. "Hasteko greba egitea debekatu nahi dute, baina kanpaina honekin elkartasuna galaraztea ere". Honen adierazgarria da kanpaina hasi ostean, poliziak bi pertsona atxilotu dituela sindikatua "elkartasun eta boikot kanpaina bertan behera uzteko asmoz". Gainera, poliziak hamabost pertsona deklaratzera deitu ditu, "haien artean La Directako kazetari bat, boikot kanpainari buruz informatzeagatik", gehitu du CNTk.

"Enpresa honek langileekiko duen jarrera erabat lotsagarria da", salatu du CNTk, zeinean genero-diskriminazioa eta sindikatuen aurkako jarrera erabat normalak diren. "Jarrera hauek enpresa honen izaera nolakoa den argi uzten du, zentzuzkoa aitatxo bezala, amatxo bezain polita umeentzako kamiseta sexistak adibide argia izanik", azpimarratu du erakunde anarkosindikalistak.

El Corte Inglések bi grebalariak 5 urte espetxeratu nahi ditu eta 8.500 euroko kalde ordainketa eskatzen du, "enpresaretzako dirua ez da arazoa, beren ukiezintasuna dago jokoan", esan du CNTk. Sindikatuaren hitzetan, "El Corte Inglés enpresarien ikur bat da eta bokiot kanpaina honekin, enpresa ukiezinarik ez dagoela nabarmendu nahi dugu".

Kaleratutako langilea Ecoespacio enpresan berriz hartzeko eskatzeko mobilizatu da CNT

Zentral anarkosindikalistak elkarretaratzea egin du enpresak Basaurin duen egoitzaren aurrean, bere lankidearen aurkako jazarpena salatzeko. CNTk azpimarratu du “sindikatuen errepresioaren adibide argia” dela eta kaleratzeak bertan behera uzteko eskatu dio zuzendaritzari. Iberdrolako linea elektrikoak mantentzeaz arduratzen den Ecoespacioko CNTren atal sindikalak manifestazioa egin du ostegun honetan, “bere eskubideak defendatzeagatik” kaleratutako langilea berriz hartzea eskatzeko, zentral anarkosindikalistak azpimarratu duenez. Basauriko lantokian egindako elkarretaratze batean, berehala berriz hartzeko eskatu zuen. “Enpresaren aurkako salaketa aurkeztu ostean, langile hori, CNTko sekzioko kidea, Ecoespaciok kaleratu zuen errepresio sindikalaren adibide garbi batean”, adierazi du sindikatuak elkarretaratzean. Zentzu horretan, “Kaleratze bidegabea eta sindikatuen aldarrikapenen aurkako eraso argia” dela azpimarratu du. “Ecoespaciok bere esku du gatazka hau bideratzea, gure lankidea berriro onartuz eta sindikatuekin hitz egitera eseriz”, azpimarratu du. Era berean, CNTk azpimarratu duenez, “Mobilizazioak eta neurri sindikalak areagotu egingo dira, Ecoespaciok bere politika antisindikala zuzentzen ez badu”.

Iruñean, Eurofirms enpresaren aurkako ekintzak aurrera darraite

"Eurofirms enpresarekin dugun gatatzak aurrera doa", esan du CNTk. Mobilizazioen helburua afiliatua lanera itzultzea da Joan den astean, CNTk Eurofirms Iruñean duen bulegoaren aurrean pikete bat egin zuen, kaleratutako Pape langilea babesteko. Kidea bere lan eskubideak eskatzeagatik kaleratua izan da.Joan den abenduaren 12an, Pape, sindikatuan afiliatua dena, kaleratze gutun bat jaso zuen. Aniser Facility-ren zuzendaritzak lan-harremanari amaiera emateko erabakiaren berri ematen zion, enpresaren kudeaketako langileei errespetu falta erakusteagatik. Pape Aniser Facility-ri lotutako ETT Eurofirms bitartez kontratatuta zegoen. Aniser Facility enpresa Euroestampaciones SA enpresaren azpikontrata bat da."Argi daukagu kaleratzearen benetako arrazoia, langile gisa dituen eskubideak erreklamatzea izan dela", azpimarratu du CNTk. Hori dela eta, informazio-dinamikarekin jarraitzen du, Iruñako Eurofirms egoitzaren aurrean (Monasterio de Iharte kalean) eta, joan den ostegunean, langileak berriz lanera bueltatzea eskatu zuten. Gainera, enpresak langileekiko duen harremana zein den auzokideei azaldu zitzaien.Ostegunean, " sindikatuen mobilizazioa ikusi bezain laster bulegoak persianak itxi zituen", esan du erakunde anarkosindikalistak. "Lanera bueltatu arte, presio neurriak handitzen joango dira", azpimarratu du CNTk.