Egoitza anarkosindikalista berriak Ezkerraldean ateak ireki ditu

CNT sindikatuak Barakaldon badauka egoitza berria. Inaugurazioa etxe anarkosindikalistan (Castilla y León, 10) pasa den larunbatean izan zen. Ekitaldian Luis Fuentes, CNTko Oroimen Historiko taldeko kidea eta Martin Paradelo, sindikatu honetako idazkari nagusia egon ziren.

“XXI. menderako premiazko eta beharra den sindikalismoa gara”, aldarrikatu zuen Paradelok. Ildo horretan, azpimarratu zuen CNT “erakunde iraultzailea dela eta, ekintza sindikalaren bitartez, gaur egungo errealitatea aldatzen saiatzen da”. Halaber eredu anarkosindikalistaren ezaugarri batzuk deskribatu zituen. “Enpresa-batzordeen aurrean, askotan langileen borondatearen aurka erabakitzen dutenak, guk sail sindikalak defendatzen ditugu”, nabarmendu zuen.

Bere aldetik, Luis Fuentesek sindikatu honetako ibilbidea Ezkerraldean gainbegiratu zuen. Hemen, militantzia anarkosindikalistak “diktadura frankistaren aurka borroka egin zuen”. Berak ere azaldu zuen CNTk trantsizioa errefusatu zuela, eta nola denboraldi horretan “ezkerreko alderdi batzuek haien bide-bazterretan hilda zeuden alderdikideak saldu zituzten”. “Erakunde historikoek, oraingo garaietan zeharo bizirik daudenak, trantsizioari epaiketa bultzatu behar dugu”, esan zuen.

Bai hasieran bai amaieran, txistulari batek “Hijos del Pueblo” eta “A las barricadas” jo zituen. Inaugurazioan ere beste ekitaldi musikal batzuk egon ziren. “Etxe anarkosindikalistak Barakaldoko eta Ezkerraldeko auzokoentzat, murrizketen eta prekarietatearen aurka borrokatzeko, ateak irekita ditu”, CNTtik nabarmendu zuten.

Kaleratutako langilea Ecoespacio enpresan berriz hartzeko eskatzeko mobilizatu da CNT

Zentral anarkosindikalistak elkarretaratzea egin du enpresak Basaurin duen egoitzaren aurrean, bere lankidearen aurkako jazarpena salatzeko. CNTk azpimarratu du “sindikatuen errepresioaren adibide argia” dela eta kaleratzeak bertan behera uzteko eskatu dio zuzendaritzari. Iberdrolako linea elektrikoak mantentzeaz arduratzen den Ecoespacioko CNTren atal sindikalak manifestazioa egin du ostegun honetan, “bere eskubideak defendatzeagatik” kaleratutako langilea berriz hartzea eskatzeko, zentral anarkosindikalistak azpimarratu duenez. Basauriko lantokian egindako elkarretaratze batean, berehala berriz hartzeko eskatu zuen. “Enpresaren aurkako salaketa aurkeztu ostean, langile hori, CNTko sekzioko kidea, Ecoespaciok kaleratu zuen errepresio sindikalaren adibide garbi batean”, adierazi du sindikatuak elkarretaratzean. Zentzu horretan, “Kaleratze bidegabea eta sindikatuen aldarrikapenen aurkako eraso argia” dela azpimarratu du. “Ecoespaciok bere esku du gatazka hau bideratzea, gure lankidea berriro onartuz eta sindikatuekin hitz egitera eseriz”, azpimarratu du. Era berean, CNTk azpimarratu duenez, “Mobilizazioak eta neurri sindikalak areagotu egingo dira, Ecoespaciok bere politika antisindikala zuzentzen ez badu”.

Iruñean, Eurofirms enpresaren aurkako ekintzak aurrera darraite

"Eurofirms enpresarekin dugun gatatzak aurrera doa", esan du CNTk. Mobilizazioen helburua afiliatua lanera itzultzea da Joan den astean, CNTk Eurofirms Iruñean duen bulegoaren aurrean pikete bat egin zuen, kaleratutako Pape langilea babesteko. Kidea bere lan eskubideak eskatzeagatik kaleratua izan da.Joan den abenduaren 12an, Pape, sindikatuan afiliatua dena, kaleratze gutun bat jaso zuen. Aniser Facility-ren zuzendaritzak lan-harremanari amaiera emateko erabakiaren berri ematen zion, enpresaren kudeaketako langileei errespetu falta erakusteagatik. Pape Aniser Facility-ri lotutako ETT Eurofirms bitartez kontratatuta zegoen. Aniser Facility enpresa Euroestampaciones SA enpresaren azpikontrata bat da."Argi daukagu kaleratzearen benetako arrazoia, langile gisa dituen eskubideak erreklamatzea izan dela", azpimarratu du CNTk. Hori dela eta, informazio-dinamikarekin jarraitzen du, Iruñako Eurofirms egoitzaren aurrean (Monasterio de Iharte kalean) eta, joan den ostegunean, langileak berriz lanera bueltatzea eskatu zuten. Gainera, enpresak langileekiko duen harremana zein den auzokideei azaldu zitzaien.Ostegunean, " sindikatuen mobilizazioa ikusi bezain laster bulegoak persianak itxi zituen", esan du erakunde anarkosindikalistak. "Lanera bueltatu arte, presio neurriak handitzen joango dira", azpimarratu du CNTk.