EDE Taldeko hitzarmena baliogabetzea exijitu du CNTk

EDE Taldeko –esku-hartze sozialaren esparruan lan egiten duen erakundea- CNTko sekzio sindikalak zuzendaritza eta ordezkari sindikalen gehiengoak sinatutako akordioaren kontra salaketa bat aurkeztu du. “Langileriaren aurkako neurri desberdinak hartzea errazten du akordio honek, ezin dugu onartu”, azpimarratu du zentral anarkosindikalistak.

Aipatutako akordioak, ESK eta LAB sindikatuetako ordezkariek pasa den uztailaren 24an sinatutakoak, aditzera ematen du “neurri desberdinak hartzeko kausa produktibo bat dagoela – lan falta- onartzen dutela sinatzen dutenek”. “Hala ere -azpimarratu du CNTk-, erakundeak esandako kausa produktiboa ez da datuen islatuta ikusten”.

“Negoziazio prozesuan entregatutako dokumentazioaren arabera -azpimarratu du-, zuzendaritza berak 2014. urteko ekintzengatik ateratako irabaziak 2013koak baino altuagoak izango direla aurreikusten du. Honek hausnarketa hau egitera garamatza: aurreko urtean baino diru eta lan gehiago egotea aurreikusia baldin badago, zergatik daude pertsonak sobran?”.

CNTren arabera, “itunak, langileriak uztailaren 16 eta 23ko asanbladatan defendatutako funtsezko bi gutxienekoak ere ez ditu errespetatzen: ERTEaren ez onarpena eta EDE taldeko langileria osoa –koordinazio taldea eta zuzendaritza barne– lan baldintza berdinen menpe egotea, sektoreko konbenioak ezartzen dituenak hain zuzen”. “ERTEaren onarpenak 2015eko urtarriletik aurrera erakundeak kaleraketa objetiboak burutzea erraztu eta lanpostuen defentsa zailduko du”, adierazi du sindikatu honek.

“Hain txarra ez” den eskaintza

CNTren ustetan, “itxurazko negoziazio” bat izan da, non erakundeak neurrigabeko eta arrazoirik gabeko akordio-neurri sorta aurkeztu zuen hasiera batean, prozesuan zehar kontsezio gradualak egiteko, “hain txarra ez den” bukaerako eskaintza egin ahal izateko. Dena dela, hitzarmenean adierazitako jarrerek “ez dituzte langileriaren ordezkariek ezarritako gutxienekoak errespetatzen, ez negoziazioa hasi baino lehen, eta ezta negoziazioan zehar ere”.

Egoera honen aurrean, hitzarmen honen baliogabetzea aldarrikatzen du erakunde anarkosindikalistak, “beste bat negoziatzeko, erakundearen bideragarritasuna bermatzeaz gain, langileriaren interesetarako hobea dena”. Honetarako, CNTk exijitu du, ERTEa bere osotasunean kentzea eta zuzendaritza karguen sarrera, konbenioak markatutako baldintzetan egitea.

Kaleratutako langilea Ecoespacio enpresan berriz hartzeko eskatzeko mobilizatu da CNT

Zentral anarkosindikalistak elkarretaratzea egin du enpresak Basaurin duen egoitzaren aurrean, bere lankidearen aurkako jazarpena salatzeko. CNTk azpimarratu du “sindikatuen errepresioaren adibide argia” dela eta kaleratzeak bertan behera uzteko eskatu dio zuzendaritzari. Iberdrolako linea elektrikoak mantentzeaz arduratzen den Ecoespacioko CNTren atal sindikalak manifestazioa egin du ostegun honetan, “bere eskubideak defendatzeagatik” kaleratutako langilea berriz hartzea eskatzeko, zentral anarkosindikalistak azpimarratu duenez. Basauriko lantokian egindako elkarretaratze batean, berehala berriz hartzeko eskatu zuen. “Enpresaren aurkako salaketa aurkeztu ostean, langile hori, CNTko sekzioko kidea, Ecoespaciok kaleratu zuen errepresio sindikalaren adibide garbi batean”, adierazi du sindikatuak elkarretaratzean. Zentzu horretan, “Kaleratze bidegabea eta sindikatuen aldarrikapenen aurkako eraso argia” dela azpimarratu du. “Ecoespaciok bere esku du gatazka hau bideratzea, gure lankidea berriro onartuz eta sindikatuekin hitz egitera eseriz”, azpimarratu du. Era berean, CNTk azpimarratu duenez, “Mobilizazioak eta neurri sindikalak areagotu egingo dira, Ecoespaciok bere politika antisindikala zuzentzen ez badu”.

Iruñean, Eurofirms enpresaren aurkako ekintzak aurrera darraite

"Eurofirms enpresarekin dugun gatatzak aurrera doa", esan du CNTk. Mobilizazioen helburua afiliatua lanera itzultzea da Joan den astean, CNTk Eurofirms Iruñean duen bulegoaren aurrean pikete bat egin zuen, kaleratutako Pape langilea babesteko. Kidea bere lan eskubideak eskatzeagatik kaleratua izan da.Joan den abenduaren 12an, Pape, sindikatuan afiliatua dena, kaleratze gutun bat jaso zuen. Aniser Facility-ren zuzendaritzak lan-harremanari amaiera emateko erabakiaren berri ematen zion, enpresaren kudeaketako langileei errespetu falta erakusteagatik. Pape Aniser Facility-ri lotutako ETT Eurofirms bitartez kontratatuta zegoen. Aniser Facility enpresa Euroestampaciones SA enpresaren azpikontrata bat da."Argi daukagu kaleratzearen benetako arrazoia, langile gisa dituen eskubideak erreklamatzea izan dela", azpimarratu du CNTk. Hori dela eta, informazio-dinamikarekin jarraitzen du, Iruñako Eurofirms egoitzaren aurrean (Monasterio de Iharte kalean) eta, joan den ostegunean, langileak berriz lanera bueltatzea eskatu zuten. Gainera, enpresak langileekiko duen harremana zein den auzokideei azaldu zitzaien.Ostegunean, " sindikatuen mobilizazioa ikusi bezain laster bulegoak persianak itxi zituen", esan du erakunde anarkosindikalistak. "Lanera bueltatu arte, presio neurriak handitzen joango dira", azpimarratu du CNTk.