EDE Taldeak CNTren aurka egin du

EDE Taldeak gizartegintzan dihardu; hala ere, bertako zuzendaritzak galarazi gura dio CNTri lantoki horretan aritzen jarraitzea. Ohar baten bidez, gerentziak ohartarazi du sindikatu honek ez duela betetzen “legeen arabera, sekzio sindikala eratu ahal izateko bete beharreko baldintzetatik bat ere” eta, horrexegatik, ez dagokiola “sekzioa izateak emango liokeen eskubiderik”.

Erakunde anarkosindikalistak zera salatu du: “CNTk EDE Taldean sekzio sindikala sortu zuenetik 14 hilabetera, gure delegatuak gutun-azal bat topatu zuen bere mahaiaren gainean; barruko gutunak (entitateko legezko ordezkari batek sinatua) kontu horik aipatzen zituen”. Handik ordu batzuetara, CNTren delegatuak beste ohartarazpen bat jaso zuen; bertan iragarri zioten laster ezgaituko zutela sindikatuaren posta elektroniko korporatiboaren kontua.

Gauzak horrela, CNTk esan du ezen “ukaezina dela sindikatuak presentzia duela eta lanean dabilela entitatean, bertako arduradunei gustatu zein ez gustatu”, eta hauxe erantsi du: “are gehiago, sekzio sindikalak eskubide osoa dauka orain arteko jarduera berean jarraitzeko: entitateari informazioa eskatzen, bilera informatiboak egiten langileekin, lan-ikuskaritzan salaketak jartzen zenbait baldintza ez betetzeagatik, negoziazio- zein elkarrizketa-guneetan parte hartzen, edota ordaindu gabeko diru-kopuruak erreklamatzen, besteak beste”.

Horrez gain, azpimarratu du “CNTren aurkako kanpaina honek are tinkoago pentsarazten digula EDE Taldeko gure sekzio sindikalaren orain arteko lana norabide egokian doala”. Egoera horretan, zentral anarkosindikalistak adierazi du entitateak “oztopo handienetako bat desagerrarazi nahi duela, bere plangintza laster ezartzeko (kaleratzeak eta lanaldi-murrizketak)”.

Gainera, ondokoa eman du aditzera: “Guztiz bateraezinak dira hirugarren sektoreko entitate batek adieraztea eraldakuntza sozialaren alde diharduela eta, aldi berean, entitate horrek berak langileek osatutako sekzio sindikal bati jazartzea, soilik beren eskubideak defendatzeagatik”.

Edonola ere, CNTk ziurtatu du lanean segituko duela, orain arte bezalaxe, lanpostuen defentsan; halaber, langileak deitu ditu elkarren artean antolatzera eta sindikatu honetako kide bihurtzera, “indartsuagoak zein eraginkorragoak izateko”. Era berean, deia egin du etorkizuneko mobilizazioetan esku hartzera, “entitateak abian ipini gura dituen kaleratzeak eta lanaldi-murrizketak eragoztekotan”.

Kaleratutako langilea Ecoespacio enpresan berriz hartzeko eskatzeko mobilizatu da CNT

Zentral anarkosindikalistak elkarretaratzea egin du enpresak Basaurin duen egoitzaren aurrean, bere lankidearen aurkako jazarpena salatzeko. CNTk azpimarratu du “sindikatuen errepresioaren adibide argia” dela eta kaleratzeak bertan behera uzteko eskatu dio zuzendaritzari. Iberdrolako linea elektrikoak mantentzeaz arduratzen den Ecoespacioko CNTren atal sindikalak manifestazioa egin du ostegun honetan, “bere eskubideak defendatzeagatik” kaleratutako langilea berriz hartzea eskatzeko, zentral anarkosindikalistak azpimarratu duenez. Basauriko lantokian egindako elkarretaratze batean, berehala berriz hartzeko eskatu zuen. “Enpresaren aurkako salaketa aurkeztu ostean, langile hori, CNTko sekzioko kidea, Ecoespaciok kaleratu zuen errepresio sindikalaren adibide garbi batean”, adierazi du sindikatuak elkarretaratzean. Zentzu horretan, “Kaleratze bidegabea eta sindikatuen aldarrikapenen aurkako eraso argia” dela azpimarratu du. “Ecoespaciok bere esku du gatazka hau bideratzea, gure lankidea berriro onartuz eta sindikatuekin hitz egitera eseriz”, azpimarratu du. Era berean, CNTk azpimarratu duenez, “Mobilizazioak eta neurri sindikalak areagotu egingo dira, Ecoespaciok bere politika antisindikala zuzentzen ez badu”.

Iruñean, Eurofirms enpresaren aurkako ekintzak aurrera darraite

"Eurofirms enpresarekin dugun gatatzak aurrera doa", esan du CNTk. Mobilizazioen helburua afiliatua lanera itzultzea da Joan den astean, CNTk Eurofirms Iruñean duen bulegoaren aurrean pikete bat egin zuen, kaleratutako Pape langilea babesteko. Kidea bere lan eskubideak eskatzeagatik kaleratua izan da.Joan den abenduaren 12an, Pape, sindikatuan afiliatua dena, kaleratze gutun bat jaso zuen. Aniser Facility-ren zuzendaritzak lan-harremanari amaiera emateko erabakiaren berri ematen zion, enpresaren kudeaketako langileei errespetu falta erakusteagatik. Pape Aniser Facility-ri lotutako ETT Eurofirms bitartez kontratatuta zegoen. Aniser Facility enpresa Euroestampaciones SA enpresaren azpikontrata bat da."Argi daukagu kaleratzearen benetako arrazoia, langile gisa dituen eskubideak erreklamatzea izan dela", azpimarratu du CNTk. Hori dela eta, informazio-dinamikarekin jarraitzen du, Iruñako Eurofirms egoitzaren aurrean (Monasterio de Iharte kalean) eta, joan den ostegunean, langileak berriz lanera bueltatzea eskatu zuten. Gainera, enpresak langileekiko duen harremana zein den auzokideei azaldu zitzaien.Ostegunean, " sindikatuen mobilizazioa ikusi bezain laster bulegoak persianak itxi zituen", esan du erakunde anarkosindikalistak. "Lanera bueltatu arte, presio neurriak handitzen joango dira", azpimarratu du CNTk.