CNTk Euskal Herriko azken 10 urteko enpleguaren egoera aztertzen duen txostena argitaratu du

“Jardunaldi osoko 134.225 enplegu gutxiago daude”, baieztatu du CNTk.
“Hamarkada galduari buruz hitz egin dezakegu, seguruenik denboran luzatuko dena”, azpimarratu du sindikatuak.

Hainbat instituzioek ekonomia hoberuntz doala aipatzen dute, sinatu diren milaka kontratuak aipatuz, baina CNTren ustetan, “ez dute egoera erreala azaltzen”. Badirudi “krisia” gaindituta dagoela, baina langileriarentzat “prekarietatea, pobretzea eta hilabete amaiera baino haratago bizitza antolatzea ia ezinezkoa den eguneroko bizitza baita”, azpimarratu du erakunde anarkosindikalistak.

CNTk txosten honekin, “Análisis de la situación socio económica 2007-2017: una década perdida”, egoera hau argitu nahi du. Aberastasunaren sorrera aztertu da (BPGren bitartez), enpleguaren egoera (pertsona enplegatuen kopurua) eta errentaren eboluzioa. “Langabeziaren analisia kanpo utzi dugu, honen inguruan informazio nahikoa baitago”, sindikatuak esan du.

Ondorioen artean, azpimarratzekoa da aberastasunaren sorrera aldetik, krisia gaindituta dagoela. Hala ere, “jardunaldi osoko 134.225 enplegu deuseztu dira, prekarietatea handituz”, CNTk esan du. Beste aldetik, hamarkada honetan pobreziaren hazkunde garrantzitsu bat eman da.

Amaitzeko, erakunde anarkosindikalistaren iritziz, “eliteek monopolizatiko duten hazkunde ekonomiko baten testuinguru bat biziko dugu; bitartean, hazkunde honen sortzaileek, langileriak, egoera okerra bizitzera pairatuko du”. “Bizitza ziztrin bat bizitzera kondenantzen gaituzte”, ebatzi du CNTk.

Txostena hurrengo helbidean irakur daiteke: https://issuu.com/cntsindikatua/docs/informe_situacion_laboral_euskalher

Kaleratutako langilea Ecoespacio enpresan berriz hartzeko eskatzeko mobilizatu da CNT

Zentral anarkosindikalistak elkarretaratzea egin du enpresak Basaurin duen egoitzaren aurrean, bere lankidearen aurkako jazarpena salatzeko. CNTk azpimarratu du “sindikatuen errepresioaren adibide argia” dela eta kaleratzeak bertan behera uzteko eskatu dio zuzendaritzari. Iberdrolako linea elektrikoak mantentzeaz arduratzen den Ecoespacioko CNTren atal sindikalak manifestazioa egin du ostegun honetan, “bere eskubideak defendatzeagatik” kaleratutako langilea berriz hartzea eskatzeko, zentral anarkosindikalistak azpimarratu duenez. Basauriko lantokian egindako elkarretaratze batean, berehala berriz hartzeko eskatu zuen. “Enpresaren aurkako salaketa aurkeztu ostean, langile hori, CNTko sekzioko kidea, Ecoespaciok kaleratu zuen errepresio sindikalaren adibide garbi batean”, adierazi du sindikatuak elkarretaratzean. Zentzu horretan, “Kaleratze bidegabea eta sindikatuen aldarrikapenen aurkako eraso argia” dela azpimarratu du. “Ecoespaciok bere esku du gatazka hau bideratzea, gure lankidea berriro onartuz eta sindikatuekin hitz egitera eseriz”, azpimarratu du. Era berean, CNTk azpimarratu duenez, “Mobilizazioak eta neurri sindikalak areagotu egingo dira, Ecoespaciok bere politika antisindikala zuzentzen ez badu”.

Iruñean, Eurofirms enpresaren aurkako ekintzak aurrera darraite

"Eurofirms enpresarekin dugun gatatzak aurrera doa", esan du CNTk. Mobilizazioen helburua afiliatua lanera itzultzea da Joan den astean, CNTk Eurofirms Iruñean duen bulegoaren aurrean pikete bat egin zuen, kaleratutako Pape langilea babesteko. Kidea bere lan eskubideak eskatzeagatik kaleratua izan da.Joan den abenduaren 12an, Pape, sindikatuan afiliatua dena, kaleratze gutun bat jaso zuen. Aniser Facility-ren zuzendaritzak lan-harremanari amaiera emateko erabakiaren berri ematen zion, enpresaren kudeaketako langileei errespetu falta erakusteagatik. Pape Aniser Facility-ri lotutako ETT Eurofirms bitartez kontratatuta zegoen. Aniser Facility enpresa Euroestampaciones SA enpresaren azpikontrata bat da."Argi daukagu kaleratzearen benetako arrazoia, langile gisa dituen eskubideak erreklamatzea izan dela", azpimarratu du CNTk. Hori dela eta, informazio-dinamikarekin jarraitzen du, Iruñako Eurofirms egoitzaren aurrean (Monasterio de Iharte kalean) eta, joan den ostegunean, langileak berriz lanera bueltatzea eskatu zuten. Gainera, enpresak langileekiko duen harremana zein den auzokideei azaldu zitzaien.Ostegunean, " sindikatuen mobilizazioa ikusi bezain laster bulegoak persianak itxi zituen", esan du erakunde anarkosindikalistak. "Lanera bueltatu arte, presio neurriak handitzen joango dira", azpimarratu du CNTk.