CNT-ek lan erreforma gelditzeko gizarte-borrokara deitzen du

CNT sindikatuak, ostegun honetan, Bilboko Biribila enparantzan konzentrazio bat egin du PP-ek egindako lan erreformaren aurka. Sindikatu honen arabera “langileriaren eskubideen aurkako eraso berri bat da”, hori dela eta, konzentrazioan zeuden pertsonek gizarte-mobilizazioaren alde apostua egin dute.

Testuinguru honetan, erakunde anarkosindikalistak Martxoan zehar hainbat jardunaldi antolatu du Moncloak bultzatzen duen proiektuaren aurka protesta egiteko. “Gizarte-mobilizazioa eta borroka, bide bakarrak dira eraso hauek gelditzeko”, bere bozeramaileek esan dute.

CNT-eko batzorde konfederalak, joan diren egunetan esan zuen moduan, “erreformaz erreforma, pausuz pausu, presarik gabe, baina pausarik gabe, kapital handiak eta gobernuan txandakatzen diren bere txotxongiloek (González, Aznar, Zapatero, Rajoy) jarraitzen duten beraien planekin langileriari geratzen zaizkion eskubide eskasak desegiteko”.

Kaleratutako langilea Ecoespacio enpresan berriz hartzeko eskatzeko mobilizatu da CNT

Zentral anarkosindikalistak elkarretaratzea egin du enpresak Basaurin duen egoitzaren aurrean, bere lankidearen aurkako jazarpena salatzeko. CNTk azpimarratu du “sindikatuen errepresioaren adibide argia” dela eta kaleratzeak bertan behera uzteko eskatu dio zuzendaritzari. Iberdrolako linea elektrikoak mantentzeaz arduratzen den Ecoespacioko CNTren atal sindikalak manifestazioa egin du ostegun honetan, “bere eskubideak defendatzeagatik” kaleratutako langilea berriz hartzea eskatzeko, zentral anarkosindikalistak azpimarratu duenez. Basauriko lantokian egindako elkarretaratze batean, berehala berriz hartzeko eskatu zuen. “Enpresaren aurkako salaketa aurkeztu ostean, langile hori, CNTko sekzioko kidea, Ecoespaciok kaleratu zuen errepresio sindikalaren adibide garbi batean”, adierazi du sindikatuak elkarretaratzean. Zentzu horretan, “Kaleratze bidegabea eta sindikatuen aldarrikapenen aurkako eraso argia” dela azpimarratu du. “Ecoespaciok bere esku du gatazka hau bideratzea, gure lankidea berriro onartuz eta sindikatuekin hitz egitera eseriz”, azpimarratu du. Era berean, CNTk azpimarratu duenez, “Mobilizazioak eta neurri sindikalak areagotu egingo dira, Ecoespaciok bere politika antisindikala zuzentzen ez badu”.

Iruñean, Eurofirms enpresaren aurkako ekintzak aurrera darraite

"Eurofirms enpresarekin dugun gatatzak aurrera doa", esan du CNTk. Mobilizazioen helburua afiliatua lanera itzultzea da Joan den astean, CNTk Eurofirms Iruñean duen bulegoaren aurrean pikete bat egin zuen, kaleratutako Pape langilea babesteko. Kidea bere lan eskubideak eskatzeagatik kaleratua izan da.Joan den abenduaren 12an, Pape, sindikatuan afiliatua dena, kaleratze gutun bat jaso zuen. Aniser Facility-ren zuzendaritzak lan-harremanari amaiera emateko erabakiaren berri ematen zion, enpresaren kudeaketako langileei errespetu falta erakusteagatik. Pape Aniser Facility-ri lotutako ETT Eurofirms bitartez kontratatuta zegoen. Aniser Facility enpresa Euroestampaciones SA enpresaren azpikontrata bat da."Argi daukagu kaleratzearen benetako arrazoia, langile gisa dituen eskubideak erreklamatzea izan dela", azpimarratu du CNTk. Hori dela eta, informazio-dinamikarekin jarraitzen du, Iruñako Eurofirms egoitzaren aurrean (Monasterio de Iharte kalean) eta, joan den ostegunean, langileak berriz lanera bueltatzea eskatu zuten. Gainera, enpresak langileekiko duen harremana zein den auzokideei azaldu zitzaien.Ostegunean, " sindikatuen mobilizazioa ikusi bezain laster bulegoak persianak itxi zituen", esan du erakunde anarkosindikalistak. "Lanera bueltatu arte, presio neurriak handitzen joango dira", azpimarratu du CNTk.