Barne Produktu Gordina eta aberastasuna gauza berbera dira?

Hartu edozein albistegi eta arin entzungo dugu berria: ekonomia hobera doala, hazi dela. Baina, hau nola neur daiteke? Hori izan da ekonomian adituak direnen erronka bat.

Unibertsitateetan, Barne Produktu Gordinaren (BPG) bidez neurtzen dela erakusten dute; ekonomia zehatz batean urte batean ekoiztutakoa neurtzen da, dirutan. Adibidez, 2015. urtean Euskal Autonomi Erkidegoaren BPG 65.924 milioi eurokoa izan zen. Aurreko urtearekin alderatzen badugu (2014), %3,1 hazi da, urte horretan 63.880 milioi eurokoa izan baitzen. Eragiketa hau urtero, hiruhilean, hilero... egin daiteke. Baina erreminta hau eraginkorra al da ekonomiaren egoera eta aberastasuna neurtzeko?

Batzuek erreminta okerra dela diote, hainbat ekoizpen prozesu kanpo geratzen direlako. Honen adibide bat ezkutuko ekonomia da: BPGaren %20-%40 artean dagoela diote; drogen trafikoa erreala da, diru asko mugitzen du, baina estatistika hauentzat ez da existitzen. Proposatzen duten konponbidea da eurotan zenbat den kalkulatzea eta gehitzea.

Badago oinarritik kritika egiten duen ikuspegia, zaintzak kontutan hartzen dituena. Ezin dugu zaintza barik biziraun: umetxoak garenean, gurasoena,; norbaitek bazkaria egin behar du; arropa garbitu, etxea atondu. Ez da harreman monetariorik ematen. Honi gehitu behar diogu era militante, bolondres batean egindakoa.

Errealitateak dio, BPGn neurtzen duen "ekonomia", ez lukeela funtzionatutako diru bitartez ordaindutako zaintzarekin, ezinezkoa izango baitzen. Horregatik, aberastasuna eta ekonomia egoera BPGrekin neurtzea akats larria da.

: Endika Alabort Amundarain

Kaleratutako langilea Ecoespacio enpresan berriz hartzeko eskatzeko mobilizatu da CNT

Zentral anarkosindikalistak elkarretaratzea egin du enpresak Basaurin duen egoitzaren aurrean, bere lankidearen aurkako jazarpena salatzeko. CNTk azpimarratu du “sindikatuen errepresioaren adibide argia” dela eta kaleratzeak bertan behera uzteko eskatu dio zuzendaritzari. Iberdrolako linea elektrikoak mantentzeaz arduratzen den Ecoespacioko CNTren atal sindikalak manifestazioa egin du ostegun honetan, “bere eskubideak defendatzeagatik” kaleratutako langilea berriz hartzea eskatzeko, zentral anarkosindikalistak azpimarratu duenez. Basauriko lantokian egindako elkarretaratze batean, berehala berriz hartzeko eskatu zuen. “Enpresaren aurkako salaketa aurkeztu ostean, langile hori, CNTko sekzioko kidea, Ecoespaciok kaleratu zuen errepresio sindikalaren adibide garbi batean”, adierazi du sindikatuak elkarretaratzean. Zentzu horretan, “Kaleratze bidegabea eta sindikatuen aldarrikapenen aurkako eraso argia” dela azpimarratu du. “Ecoespaciok bere esku du gatazka hau bideratzea, gure lankidea berriro onartuz eta sindikatuekin hitz egitera eseriz”, azpimarratu du. Era berean, CNTk azpimarratu duenez, “Mobilizazioak eta neurri sindikalak areagotu egingo dira, Ecoespaciok bere politika antisindikala zuzentzen ez badu”.

Iruñean, Eurofirms enpresaren aurkako ekintzak aurrera darraite

"Eurofirms enpresarekin dugun gatatzak aurrera doa", esan du CNTk. Mobilizazioen helburua afiliatua lanera itzultzea da Joan den astean, CNTk Eurofirms Iruñean duen bulegoaren aurrean pikete bat egin zuen, kaleratutako Pape langilea babesteko. Kidea bere lan eskubideak eskatzeagatik kaleratua izan da.Joan den abenduaren 12an, Pape, sindikatuan afiliatua dena, kaleratze gutun bat jaso zuen. Aniser Facility-ren zuzendaritzak lan-harremanari amaiera emateko erabakiaren berri ematen zion, enpresaren kudeaketako langileei errespetu falta erakusteagatik. Pape Aniser Facility-ri lotutako ETT Eurofirms bitartez kontratatuta zegoen. Aniser Facility enpresa Euroestampaciones SA enpresaren azpikontrata bat da."Argi daukagu kaleratzearen benetako arrazoia, langile gisa dituen eskubideak erreklamatzea izan dela", azpimarratu du CNTk. Hori dela eta, informazio-dinamikarekin jarraitzen du, Iruñako Eurofirms egoitzaren aurrean (Monasterio de Iharte kalean) eta, joan den ostegunean, langileak berriz lanera bueltatzea eskatu zuten. Gainera, enpresak langileekiko duen harremana zein den auzokideei azaldu zitzaien.Ostegunean, " sindikatuen mobilizazioa ikusi bezain laster bulegoak persianak itxi zituen", esan du erakunde anarkosindikalistak. "Lanera bueltatu arte, presio neurriak handitzen joango dira", azpimarratu du CNTk.