PPk Barakaldon duen egoitzaren aurrean elkarretaratzea burutu da

Gaur arratsaldean, otsailak 22a, CNTk elkarretaratze bat burutu du PPk Barakaldon duen egoitzaren aurrean. Lehen PSOEren egoitzen aurrean elkarretaratzen ginen, orain PPrenak direnen aurrean dagigu. Langileoi berdin zaigu nor den gobernuan, batak zein besteak gure lan-baldintzak nahiz hiritar eskubideak murrizten dituzte.

Antza gobernuz gaindi diren beste botere batzuen aginduei jarraiki, langile gisa dagozkigun eskubideak murrizten doazkigu. Aipaturiko botereen esanetara diren patronal, banketxe, enpresa handi, kapital eta komunikabideek, heuren irabazien etengabeko hazkundea lortu nahiean, langileen soldata eta eskubideak murrizten doaz. Sindikatu horien laguntza badute, zeintzuk langile borroka geldiaraztearen ordainetan izugarrizko diru-laguntzak jasotzen dituzten. CNTk uko egiten dio diru-laguntzak jasotzeari. Boterearen “sindikatu” hauek, diru-laguntzak jasotzen dituzten heinean, kontrolpean jarraituko dute. Bada grebarako prest den langile andana; kapitalaren zerbitzura dauden zuzendaritzek ez dute greba deialdia gauzatzen ordea.

Elkarretaratzean, langileriaren interesentzat hain kaltegarria den lan-erreformaren aurkako borroka deialdia luzatu zaio jendeari. Oraindik dagozkigun eskubide sorta xumea ezabatu nahiko digute eta ziurrenik egonen da erreforma berririk. Guztiok pairatuko dugun erreforma honi ez esan behar diogu. Soldatak murriztuko dizkigute, betebeharrak ugaldu, kaleratzearengatiko kalteordainak kendu (urtebete proba moduan kontratuaren barne)…

Erreforma hau ez badugu gelditzen, hurrengoarekin langabezia sariaren murrizketa edo ezabapena, lanaldiaren luzapena (gogoratzen europear parlamentuak asteko 65 orduak bozkatu zituenekoa?), grebaren debekua (zenbait sindikatuk gustora hartuko lukete horrelakorik kalera irten beharrik ez izateko)…

EZ DA ITUNAK EGITEKO ORDUA, BORROKA GARAIA DA!

GREBA OROKORRERANTZ, BAINA EZ 24 ORDUTAKO LANUZTE SOIL ETA BAKAR BAT.

ERREFORMAREN TAMAINAKO ERANTZUNA EMAN BEHAR DUGU.

Erreforma hau salatzeko hurrengo elkarretaratzea martxoak 1ean izango da, osteguna 19:00tan Bilboko Plaza Biribilean.

Kaleratutako langilea Ecoespacio enpresan berriz hartzeko eskatzeko mobilizatu da CNT

Zentral anarkosindikalistak elkarretaratzea egin du enpresak Basaurin duen egoitzaren aurrean, bere lankidearen aurkako jazarpena salatzeko. CNTk azpimarratu du “sindikatuen errepresioaren adibide argia” dela eta kaleratzeak bertan behera uzteko eskatu dio zuzendaritzari. Iberdrolako linea elektrikoak mantentzeaz arduratzen den Ecoespacioko CNTren atal sindikalak manifestazioa egin du ostegun honetan, “bere eskubideak defendatzeagatik” kaleratutako langilea berriz hartzea eskatzeko, zentral anarkosindikalistak azpimarratu duenez. Basauriko lantokian egindako elkarretaratze batean, berehala berriz hartzeko eskatu zuen. “Enpresaren aurkako salaketa aurkeztu ostean, langile hori, CNTko sekzioko kidea, Ecoespaciok kaleratu zuen errepresio sindikalaren adibide garbi batean”, adierazi du sindikatuak elkarretaratzean. Zentzu horretan, “Kaleratze bidegabea eta sindikatuen aldarrikapenen aurkako eraso argia” dela azpimarratu du. “Ecoespaciok bere esku du gatazka hau bideratzea, gure lankidea berriro onartuz eta sindikatuekin hitz egitera eseriz”, azpimarratu du. Era berean, CNTk azpimarratu duenez, “Mobilizazioak eta neurri sindikalak areagotu egingo dira, Ecoespaciok bere politika antisindikala zuzentzen ez badu”.

Iruñean, Eurofirms enpresaren aurkako ekintzak aurrera darraite

"Eurofirms enpresarekin dugun gatatzak aurrera doa", esan du CNTk. Mobilizazioen helburua afiliatua lanera itzultzea da Joan den astean, CNTk Eurofirms Iruñean duen bulegoaren aurrean pikete bat egin zuen, kaleratutako Pape langilea babesteko. Kidea bere lan eskubideak eskatzeagatik kaleratua izan da.Joan den abenduaren 12an, Pape, sindikatuan afiliatua dena, kaleratze gutun bat jaso zuen. Aniser Facility-ren zuzendaritzak lan-harremanari amaiera emateko erabakiaren berri ematen zion, enpresaren kudeaketako langileei errespetu falta erakusteagatik. Pape Aniser Facility-ri lotutako ETT Eurofirms bitartez kontratatuta zegoen. Aniser Facility enpresa Euroestampaciones SA enpresaren azpikontrata bat da."Argi daukagu kaleratzearen benetako arrazoia, langile gisa dituen eskubideak erreklamatzea izan dela", azpimarratu du CNTk. Hori dela eta, informazio-dinamikarekin jarraitzen du, Iruñako Eurofirms egoitzaren aurrean (Monasterio de Iharte kalean) eta, joan den ostegunean, langileak berriz lanera bueltatzea eskatu zuten. Gainera, enpresak langileekiko duen harremana zein den auzokideei azaldu zitzaien.Ostegunean, " sindikatuen mobilizazioa ikusi bezain laster bulegoak persianak itxi zituen", esan du erakunde anarkosindikalistak. "Lanera bueltatu arte, presio neurriak handitzen joango dira", azpimarratu du CNTk.