Mediaposteko kaleratuekin elkartasun ekintza berriak

Ostegunean Mediapost multinazionalak egiten dituen kaleraketen eta errepresio sindikalaren aurkako CNTren salaketa kanpaina Madrileko Caixa Forumera iritsi da; berea den “Ideas imprescindibles” fundazioaren bitartez hitzaldi bat burutzen zuen bitartean. “Beren helburua argia da: langileen eskubideekin bukatzea, etekin gehiago lortzeko”, azpimarratu du sindikatuak.

Honela, CNTk mobilizazio ezberdinak antolatu zituen, ostegunean Madrilen hasi eta larunbatean Baionan bukatu zirenak; bertan mugako bi aldeetako erakunde anarkosindikalistek salaketa ekitaldia burutu zuten Mediapost-en parte den La Poste (Estatu frantseseko posta zerbitzua) enpresaren aurrean.

“Iragarri genuen bazala, Mediapostek interesak dituen lekuetara gure aldarrikapenak eramango ditugu. Konpainia honen erasoak elkartasuna eta ekintza zuzenaren bitartez geldituko ditugu”, azpimarratu du sindikatuak. Nagusiki etxez etxe publizitatea banatzera dedikatzen den enpresa honetan ezarri dituzten langileen aurkako politika gogorrak salatu ditu sindikatuak.

CNTko Arte Grafikoen sindikatuak Madrilen burututako protesta ildo beretik zihoan. “Marketing eta publizitate kanpaina handiek, kasu askotan, alde ilun eta desatsegin bat ezkutatzen dutela jakina da”, elkarretaratzean azpimarratu zuen sindikatuak. Aldi berean, Mediapostek, “lotsatu gabe, bere alde hipokritena” adierazi duela salatu du sindikatuak.

“Ondo gelditzeko egindako diskurtsoan, langileen esplotazioa, beren lanen prekarietatea eta euren ahotsak aditzera ematen dituzten langileen kaleraketak ezkutatu nahi ditu enpresak”. “Hau da, 14 langileen kaleraketa suposatu duen eraso bat da, hauetako zazpi CNTko sail sindikaleko kideak dira”, gogoratu du sindikatuak.

Egun berean, Euskal Herriko Mediaposteko egoitzaren aurrean (Mungian) elkarretaratzea antolatu zuen erakunde anarkosindikalistak. Ekitaldian CNTko afiliatuak diren eta kaleratuak izan ziren langileak egon ziren, sail sindikaleko beste langileen artean. “Gure lankideak multinazional honen benetako aurpegiaren adibide dira, beren eskubideengatik antolatzen eta borrokatzen direnak kaleratzen dituen multinazionala”, azpimarratu du sindikatuak.

Kaleratutako langilea Ecoespacio enpresan berriz hartzeko eskatzeko mobilizatu da CNT

Zentral anarkosindikalistak elkarretaratzea egin du enpresak Basaurin duen egoitzaren aurrean, bere lankidearen aurkako jazarpena salatzeko. CNTk azpimarratu du “sindikatuen errepresioaren adibide argia” dela eta kaleratzeak bertan behera uzteko eskatu dio zuzendaritzari. Iberdrolako linea elektrikoak mantentzeaz arduratzen den Ecoespacioko CNTren atal sindikalak manifestazioa egin du ostegun honetan, “bere eskubideak defendatzeagatik” kaleratutako langilea berriz hartzea eskatzeko, zentral anarkosindikalistak azpimarratu duenez. Basauriko lantokian egindako elkarretaratze batean, berehala berriz hartzeko eskatu zuen. “Enpresaren aurkako salaketa aurkeztu ostean, langile hori, CNTko sekzioko kidea, Ecoespaciok kaleratu zuen errepresio sindikalaren adibide garbi batean”, adierazi du sindikatuak elkarretaratzean. Zentzu horretan, “Kaleratze bidegabea eta sindikatuen aldarrikapenen aurkako eraso argia” dela azpimarratu du. “Ecoespaciok bere esku du gatazka hau bideratzea, gure lankidea berriro onartuz eta sindikatuekin hitz egitera eseriz”, azpimarratu du. Era berean, CNTk azpimarratu duenez, “Mobilizazioak eta neurri sindikalak areagotu egingo dira, Ecoespaciok bere politika antisindikala zuzentzen ez badu”.

Iruñean, Eurofirms enpresaren aurkako ekintzak aurrera darraite

"Eurofirms enpresarekin dugun gatatzak aurrera doa", esan du CNTk. Mobilizazioen helburua afiliatua lanera itzultzea da Joan den astean, CNTk Eurofirms Iruñean duen bulegoaren aurrean pikete bat egin zuen, kaleratutako Pape langilea babesteko. Kidea bere lan eskubideak eskatzeagatik kaleratua izan da.Joan den abenduaren 12an, Pape, sindikatuan afiliatua dena, kaleratze gutun bat jaso zuen. Aniser Facility-ren zuzendaritzak lan-harremanari amaiera emateko erabakiaren berri ematen zion, enpresaren kudeaketako langileei errespetu falta erakusteagatik. Pape Aniser Facility-ri lotutako ETT Eurofirms bitartez kontratatuta zegoen. Aniser Facility enpresa Euroestampaciones SA enpresaren azpikontrata bat da."Argi daukagu kaleratzearen benetako arrazoia, langile gisa dituen eskubideak erreklamatzea izan dela", azpimarratu du CNTk. Hori dela eta, informazio-dinamikarekin jarraitzen du, Iruñako Eurofirms egoitzaren aurrean (Monasterio de Iharte kalean) eta, joan den ostegunean, langileak berriz lanera bueltatzea eskatu zuten. Gainera, enpresak langileekiko duen harremana zein den auzokideei azaldu zitzaien.Ostegunean, " sindikatuen mobilizazioa ikusi bezain laster bulegoak persianak itxi zituen", esan du erakunde anarkosindikalistak. "Lanera bueltatu arte, presio neurriak handitzen joango dira", azpimarratu du CNTk.