Lanaren Nazioarteko Konfederazioa jaio da

Kongresua amaitu bezain laster, Lanaren Nazioarteko Konfederazioa sortu da, anarkosindikalismoa eta sindikalismo iraultzailea batuko dituen nazioarteko erakundea
Italiako USI, Alemaniako FAU, CNT, Ipar Amerikako IWW, Greziako ESE eta Poloniako IP parte dira; Brasil, Herbehereak, Belgika, Frantzia eta Erresuma Batuko erakundeek parte hartzeko interesa adierazi dute.

CNTk idazkaritzaren adura lehenengo biurtekoan hartuko du, gero FAU eta IWWk hartuz; Italiako USIk lehenengo bosturtekoan diruzaintzaz arduratuko da.

Hurrengo urteetako lan ardatzak prestakuntza, ekintza sindikala eta internazionalaren hedapena izango dira. Prestakuntza arloan, nazioarte mailan lan arloko informazioa elkarbanatuko da, udako eskolak antolatu eta hainbat materialen itzulpena. Ekintza sindikalean, bestalde, martxoaren 8a emakume langile data moduan berrindartuko da eta hainbat industri sektoretako ezagupenak zabalduko dira.

Azkenik, antzeko helburuak dituzten erakundeekin harremanetan jartzea, propaganda itzulpena eta langile migranteekin lanketa berezi bat egitea hedapenaren oinarriak izango dira. Epe ertaineko beste helburu batzuk garraio sektorea, generoa, ostalaritza sektorea, preso dauden langileak, hezkuntza eta osasun arloak izango dira. Gainera, hurrengo kopngresua Alemanian ospatzea adostu zen, FAUk eskatu zuen bezala.

Kongresu hau borrokalaria den sindikalismoak sinergiak batuz itxi da, lan handiko egun batzuen ostean. Historikoa bihurtu daitekeen tankera duen momentua izan da, ilusioz beteko proiektua eskuetan dugula.

Kaleratutako langilea Ecoespacio enpresan berriz hartzeko eskatzeko mobilizatu da CNT

Zentral anarkosindikalistak elkarretaratzea egin du enpresak Basaurin duen egoitzaren aurrean, bere lankidearen aurkako jazarpena salatzeko. CNTk azpimarratu du “sindikatuen errepresioaren adibide argia” dela eta kaleratzeak bertan behera uzteko eskatu dio zuzendaritzari. Iberdrolako linea elektrikoak mantentzeaz arduratzen den Ecoespacioko CNTren atal sindikalak manifestazioa egin du ostegun honetan, “bere eskubideak defendatzeagatik” kaleratutako langilea berriz hartzea eskatzeko, zentral anarkosindikalistak azpimarratu duenez. Basauriko lantokian egindako elkarretaratze batean, berehala berriz hartzeko eskatu zuen. “Enpresaren aurkako salaketa aurkeztu ostean, langile hori, CNTko sekzioko kidea, Ecoespaciok kaleratu zuen errepresio sindikalaren adibide garbi batean”, adierazi du sindikatuak elkarretaratzean. Zentzu horretan, “Kaleratze bidegabea eta sindikatuen aldarrikapenen aurkako eraso argia” dela azpimarratu du. “Ecoespaciok bere esku du gatazka hau bideratzea, gure lankidea berriro onartuz eta sindikatuekin hitz egitera eseriz”, azpimarratu du. Era berean, CNTk azpimarratu duenez, “Mobilizazioak eta neurri sindikalak areagotu egingo dira, Ecoespaciok bere politika antisindikala zuzentzen ez badu”.

Iruñean, Eurofirms enpresaren aurkako ekintzak aurrera darraite

"Eurofirms enpresarekin dugun gatatzak aurrera doa", esan du CNTk. Mobilizazioen helburua afiliatua lanera itzultzea da Joan den astean, CNTk Eurofirms Iruñean duen bulegoaren aurrean pikete bat egin zuen, kaleratutako Pape langilea babesteko. Kidea bere lan eskubideak eskatzeagatik kaleratua izan da.Joan den abenduaren 12an, Pape, sindikatuan afiliatua dena, kaleratze gutun bat jaso zuen. Aniser Facility-ren zuzendaritzak lan-harremanari amaiera emateko erabakiaren berri ematen zion, enpresaren kudeaketako langileei errespetu falta erakusteagatik. Pape Aniser Facility-ri lotutako ETT Eurofirms bitartez kontratatuta zegoen. Aniser Facility enpresa Euroestampaciones SA enpresaren azpikontrata bat da."Argi daukagu kaleratzearen benetako arrazoia, langile gisa dituen eskubideak erreklamatzea izan dela", azpimarratu du CNTk. Hori dela eta, informazio-dinamikarekin jarraitzen du, Iruñako Eurofirms egoitzaren aurrean (Monasterio de Iharte kalean) eta, joan den ostegunean, langileak berriz lanera bueltatzea eskatu zuten. Gainera, enpresak langileekiko duen harremana zein den auzokideei azaldu zitzaien.Ostegunean, " sindikatuen mobilizazioa ikusi bezain laster bulegoak persianak itxi zituen", esan du erakunde anarkosindikalistak. "Lanera bueltatu arte, presio neurriak handitzen joango dira", azpimarratu du CNTk.