Lan Gatazkak

CNT sindikatuak, langileek Mediapost multinazionalean (publizitate banaketan diharduena) pairatzen duten egoera salatzeko, mobilizazioak berrartu ditu. Barakaldoko Megaparkeko merkataritza-gunean eta Mungiako egoitzaren aurrean egin diren kontzentrazio banatan, erakunde anarkosindikalistak salatu du zuzendaritzak “kaleratze eta lan-murrizketa gehiago egiteko asmoa duela”.

09/09/2014

CNT sindikatuak Ercilla hotelean egin den lanuztea (Irailak 2, 3 eta 4) oso positibotzat jo du. Lanuzteak Finlandiako saskibaloi selekzioaren eta herri horretako zaleen presentziarekin batera egin ziren. Ildo horretan, erakunde anarkosindikalistak nabarmendu du borroka egunek izan duten “oihartzun mediatikoa”, “honek hoteleko zuzendaritza negoziatzera bultzatuko du”.

05/09/2014

Lan-etenaldiak eta mobilizazioak iraileko 2 eta 4 bitartean burutuko dira, Bilboko Ercilla hotelean, eta saskibaloiko mundialarekin bat egin dute. Ekintza hauek gertutik jarraituko ditu ertzaintzak, hauen garapen normala ekiditeko. “Orain dela egun batzuk txilibituak erabiltzeagatik jarritako isunak eta gero, orain ohartarazten gaituzte ezin ditugula zarata maila batzuk gainditu, baina hau gertatuko da megafonoa soilik erabiltzean”, CNTk adierazi du.

29/08/2014

Finlandiako selekzioa, saskibaloiko mundiala bitartean ostatuz egongo dena Ercilla hotelean, bertoko langileriak aurre egin beharreko arazoaren jakinean dago. SAK sindikatuak, herrialde horretako konfederazio nagusiak, CNTren partez elitezko jokalarien sindikatuak jasotako salaketen berri eman du. Azken sindikatu honetan finlandiar jokalariak afiliatuak daude.

27/08/2014

CNT sindikatuak Ercilla hoteletan murrizketen eta errepresioaren aurkako kanpaina areagotu du. Gutxi falta da munduko saskibaloi txapelketa hasteko, hori dela eta erakunde anarkosindikalista Finlandiako selekzioarekin eta herri horretako ordezkari diplomatikoekin kontaktuan jarri da -selekzioa honek hotel honetan hartuko du ostatu-. Hauei establezimendu honetan egingo diren mobilizazioen berri eman die.

25/08/2014

Aste Nagusiarekin batera, Bilboko Ercilla hotelean kontzentrazioak egin dira. CNT sindikatuak sostengu zabala jaso dutela nabarmendu du. “Elkarrizketa aukeratu beharrean, enpresariek errepresioa aukeratu dute, horretarako bere adar armatuaren laguntza jaso dute: Ertzaintza, zergadun guztion artean ordaintzen duguna”, kexu da.

24/08/2014

CNT sindikatuak, Aste Nagusiarekin batera, Bilboko Ercilla Hoteletan “nagusikeriaren eta gehiegikeriaren” aurkako astebeteko mobilizazioei hasiera eman die. “Jai-aste honetan, Ercilla hiriko lekurik bisitatuenetako bat da, hori dela eta jakinarazi nahi dizuegu hotel honek, nahiz eta aurpegi atsegin eta modernoa izan, langileriaren eskubideak murriztu nahi dituela”, azaldu du.

18/08/2014

CNT sindikatua asteazken honetan bildu da Bilboko Hotel Ercillaren aurrean; sindikatuaren bozeramaileen esanetan, ekintza hau hurrengo asteetan ere errepikatuko da. “Turistak eta hiritarrak, orokorrean, hotel honen langileriak bizi duen egoeraz jabetzea nahi dugu, horregatik uda honetako momentu berezietan egongo gara”, aurreratu du.

23/07/2014

CNT sindikatuak gatazkan jarraitzen du ATACOn, “La Oka” delicatessen denda-katearen jabea. Larunbatean Durangoko egoitzaren aurrean egindako elkarretaratzean, zentral anarkosindikalistak gogoratu du Lan Harremanen Konsteiluak afiliatuen datu filtrazioa dela eta “langilean pairatzen duten jazarpena handitu dela”.

15/07/2014

Ostegunean Mediapost multinazionalak egiten dituen kaleraketen eta errepresio sindikalaren aurkako CNTren salaketa kanpaina Madrileko Caixa Forumera iritsi da; berea den “Ideas imprescindibles” fundazioaren bitartez hitzaldi bat burutzen zuen bitartean. “Beren helburua argia da: langileen eskubideekin bukatzea, etekin gehiago lortzeko”, azpimarratu du sindikatuak.

04/07/2014