Maiatzaren 1eko hitzorduak leku eta ordu hauetan izango dira:

• Bilbo: 11: 30ean Kale Nagusian 56-58, eta mitina Arriaga plazan
• Iruñea: 12:00 Errekoleta plazatik abiatuta
• Barakaldo: 12:00 Bide Oneratik
• Gasteiz: 12:30 Europa Biltzar Jauregitik abiatuta
• Donostia: martxa 10: 45ean Orereta-Errenteria (Zumarkalea) Donostiaraino (Gros, Katalunia plaza), eta ekitaldi bat 13: 30ean (Gros, Katalunia plaza)

Igande honetan ikusiko dugu elkar!

• CNT sindikatuari kalumnia-delitua leporatzen zaio, ekintza sindikala egiteagatik
• “Hemen epaituko dena langileriaren arteko elkartasuna eta elkar-laguntza izango da”-adierazi du central anarkosindikalistak

Apirilaren 28an, CNTko militante bat deklaratzera deitu dute, Gestión y Eventos Lázaro enpresak jarritako kereila baten ondoren, Villafrancako udal-igerilekuetako lan-gatazka baten testuinguruan. CNT sindikatuari enpresaburuaren aurkako kalumnia-delitua leporatzen zaio, gatazka horretan sindikatu-lan hutsa egiteagatik.

“Etekinak lortzeko “Guztiak balio du” horren deriba enpresariala sindikalismo horizontalarekin borrokatuko dugu beti. Ez dugu atzera eginen bortxa eta mehatxuen aitzinean, eta ez dugu pribilegio edo dirurik onartuko isil gaitezen”- azaldu du zentral anarkosindikalistak. “Hori dela eta, gaur egoera honen aurren gaude”-gehitu du.

CNTko ordezkari sindikalak dio: “Botere judiziala beren interesen menpe jartzen dute eta egoera publikoki salatzeari uzteko arma gisa erabiltzen dute. Baina gugan efektua guztiz kontrakoa da. Ez gaituzte isilduko, eta gaur inoiz baino ozenago oihukatuko dugu dugu: SINDIKALISMOA EZ DA DELITUA.”

Erreza da antzematea, langile klaseak hilabetearen amaierara iristeko dituen zailtasunak gero eta handiagoak direla. “Prekarietatea gure lantokietan, auzoetan eta etxeetan hedatzen da. Ezin dugu askatasun sindikalaren aurkako eraso hau klase-sindikalismoa, mugimendu feminista, etxebizitzarena edo langile-klaseak gure duintasuna defendatzeko sortutako edozein egitura jasaten ari den olatu errepresibotik aldendu”-aldarrikatzen du mende bat baino gehiago borrokan daraman sindikatuak.

Sarritan ikusi ohi da, zerbitzu publikoen jarduera ekonomikoa udal-administrazioen azpikontratetara bideratzen direla. Gainera, Iniciativa por la Ribera eskuin muturreko alderdiko enpresaburu eta politikariak beste bi pertsona ere salatu ditu prozesu judizial honetan, Villafrancako udal igerilekuetako gatazkarekin sare sozialetan elkartasuna adierazteagatik. “Hortaz, uste dugu hemen epaituko dena langileriaren arteko elkartasuna eta elkar laguntzeko praktikak izango direla, edozein gatazkaren aurrean bide judizialetik ateratzen den askatasun sindikala zalantzan jartzen den bitartean”-dio central anarkosindikalistak.

Horrelako erasoen aitzinean, langile-klaseak sareak ehunduz soilik erantzun dezake, elkarrekiko laguntza praktikan jartzeko egiturak sortuz eta esplotaturik, esplotatzailerik, zapaldurik eta zapaltzailerik gabeko gizarte baterantz aurrera eginez. “Badakigu justizia instituzionala beren boterearen beste atal bat baino ez dela. Guk justizia sozialaren alde borrokatzen dugu”-bukatu du CNTk.

ERREPRESIO SINDIKALAREN AURREAN, AUZOLAGUNTZA ETA ELKARTASUNA!!!

• Apirilaren 28a Laneko Segurtasun eta Osasunaren Nazioarteko Eguna da
• CNTk salatu du "enpresetan prebentzioaren ustezko kultura eufemismo bat baino ez dela Administrazioari begirako izapideak betetzeko".

2021ean, datu ofizialen arabera, 44 langile hil ziren Hego Euskal Herrian eta 705 Espainiako Estatu osoan. Aldi berean 41.000 lan-istripu baino gehiago erregistratu ziren. Eta gure sail sindikalek "lan-istripuak prebenitzeko eta lan-osasuna zaintzeko beharra adierazten dutenean, jaso ohi dugun erantzuna hau izan ohi da: dagoeneko protokolo bat eta prebentzio-zerbitzu bat kontratatuta dagoela", salatu dute CNTtik. Hori ez da nahikoa, benetan prebentzioa eta langileen osasuna erdigunean jarri nahi badugu.

Enpresen zeregina "negargarria da, errentagarritasun handiagoa lortzeak soilik baitu lehentasuna, langileen osasunaren kontura". Gure gaur egungo osasuna eta etorkizunekoa arriskuan jartzera garamatzate, zentral anarkosindikalistak adierazi duenez, "Mutuen ezinbesteko laguntzarekin". Horrez gain, bajan dauden langileak hertsatzeko kontratatutako enpresak salatu behar dira, era guztietako estrategiak erabiliz langile bat, oraindik errekuperatu gabe, lanera itzul dadin. "Horri prebentzioaren kultura deitzen diote", salatu dute CNTtik.

Bestalde, osasun mentala lan prebentzioan faltan dagoena da. Estresa, erretako langilearen sindromea edo burnout, teknoestresa, buruko nekea, indarkeria eta laneko jazarpena edo sexu-jazarpena dira langileok jasaten ditugun arrisku psikosozial nagusietako batzuk. "Arazoa da tipologia hori barneratuta dagoela enpresa guztietako lan-harremanak kudeatzeko moduan", azpimarratu dute CNTtik. Adibide bat laneko jazarpena da; izan ere, auzitegietan salatu arren, oso zaila da hori frogatzea atzean babes kolektiborik ez badago.

Gainera, kasu honetan, enpresak ez ezik, Administrazio Publikoa ere erantzule da, CNTren arabera. «Lan Ikuskaritza koadroetan daukate, gainsaturatuta eta beren lana egiteko gaitasunik gabe», eta hori, Eusko Jaurlaritzaren kasuan, PSEren zuzeneko erantzukizuna da, hark kudeatzen baitu Lan Saila.

Amaitzeko, CNTk azpimarratu du sail sindikalek prebentzioaren esparru guztietara iristen den lana egiten dutela, eta gaineratu du "lanean antolatuta egotea dela langile batek egin dezakeen prebentziorik onena". Beharrezkoa da barneratzea ez dela itxaron behar osasuna ahuldu arte, lehenago jokatu behar da: eta hori "erakunde sindikalaren kulturatik egin daiteke", zentral anarkosindikalistak azpimarratu duenez.

• Sindikatuak maiatzaren 1ean deitutako ekitaldietan parte hartzeko deia egin du
• "Langileen mugimenduarentzat erronka garrantzitsua da entzunaraztea, klase-kontzientzia hartzea eta gure klasearen aurkako eraso guztiak indargabetzea", adierazi dute CNTtik

COVIDagatiko pandemiak ondorio ekonomiko eta sozial larriak ekarri ditu, baina horiek ezin dira sistema kapitalistak jadanik zekarren krisitik atera. Bere betiko baliabide pilatu eta kontsumitu beharrak ikaragarrizko eragina du alarma seinaleak etengabe ematen dituen planetan.

Egoera larri honen aurrean, gobernuek betiko moduan jokatzen dute: gizarte kontrola areagotuz, langileriaren askatasunak mugatuz, gizartea militartuz, gizarte gastuetan murriztuz eta gerrak hasiz; elite kapitalistei mesede egiten dieten neurriak, eta munduko langileriak beti jasan behar izaten dituen ondorioak.

Maiatzaren Bata langileen mugimendurako oso data garrantzizkoa da, beren duintasun eta biziarekin Chicagoko martiriek historian grabatu zituztelako langileria mugiarazi dituen baloreak. Eurek gogorarazten digute esplotazioaren aurkako erantzun gisa elkarlaguntza eta antolaketa kolektiboa ditugula; arrazismo, inperialismo eta gerraren aurkako bide bakarra internazionalismo proletarioa dela; autoritarismo eta patriarkatuaren aurka, anarkosindikalismo, feminismo eta asamblearismoaz borrokatu behar garela.

Siglak sigla, gobernariek, ostera ere, langileak saldu dituzte.”Bertan behera” diotenean, “ukitu” esan nahi dute, aldaketa den itxurak egiteko, baina langileek euren bizi.baldintzak hobetu barik, eta patronalaren jarrera indartzeko bidea bihurtzen da. Era berean, Mozal Legea izenekoak hor darrai edozein kexa ezabatzeko, eta familia ugari etxegabetuak dira.

Hemendik aurrera ikusiko dugu, lan erreformaren aurreko kontratu mugagabeen %40k urtebete baino gutxiago irauten bazuten, erregulazio berriaren bidez, kontratu mugagabeen batez besteko iraupena laburragoa izango dela. Kaleratzeen kopurua ere igoko da eta prekarietatea aldizkako kontratu finko berriek makilatuko dute. Etxeko langileak lehen mailako langileak noiz izango zain gaude, merezi duten moduan, 189 hitzarmenaren bidez, edo Langileen Estatutuan sartuz, betidanik egon behar ziren moduan. Hazten jarraitzen duten eta beste sektore batzuetan agertu diren lan- osasun eta lan-istripuak ere ezin ditugu ahaztu. Eta pentsioak: pentsioak gero eta urrunen eta aseguro gutxiagorekin egoteko bideetan, atzera egin gabe, jarraitzen dute, banketxeak eta enpresak erreskatatzen baitira, baina ez langileriak lortutako eskubideak.

Garai honetan, langileen mugimendurako erronka erabakigarria entzunaraztea da, klase kontzientzia hartzea, eta mugimendu nazionalista, autoritario, arrazista eta patriarkal olatuari aurre egitea. Nahikoa da hedabideen zuriketa eta alderdi politikoen arteko itunak sufritzeaz. Estatuaren erakundeetatik kanpo ezinbestez prestatu behar gara; behetik antolatuta, auzoan, lanean, sindikatuan, Gizarte-Justiziaren alde, aberastasunaren banaketaren alde eta mugak desagertzearen alde, inor atzean gera ez dadin.

Hori da CNTk hartutako bidea eta, horrexegatik, Maiatzaren Lehenean kalera irtengo gara. Maiatzaren Lehenean entzungo gaituzte!

• Herri Administrazio anitzentzat lan egiten duen Dianova Elkarteak Zanduetako (Nafarroa) lantokia ixtea erabaki du
• "Enplegu Erregulazio Espedientea neurri errepresiboa da, langileok antolatu garelakko", adierazi dute sindikatutik.

2022ko otsailaren 15ean, Dianova Elkarteko enpresa ordezkariak lantokian agertu ziren langile guztiei eragingo dien kaleratze kolektiboko prozesu baten hasieraren berri emateko, eta horrek Zandueta CET behin betiko ixtea ekarri du.

Lantokiko langileek "urteak daramatzagu lan-baldintza kaskarrei eusten, osasun-arloan eta lan-arriskuen arloan desio handia utzi duten instalazioetan, eta Elkarteak ez ditu aintzat hartzen", adierazi dute sail sindikaletik, nahiz eta askotan jakinarazi duten bai lan-arloan bai instalazioei dagokienez dauden arazoak.

Urte horietan, proiektuaren bideragarritasunari eragin liezaioketen arazo ekonomikoen zurrumurruak zabaldu dira. Hala ere, ez da inoiz saiatu "honaino ekarri gaituen kudeaketa ekonomiko negargarria hobetzen, ez Dianovako zuzendaritzatik, ezta langileekin batera jartzen ere, konponbideak aurkitu ahal izateko", adierazi dute CNTtik. Elkarteak ez du inoiz egoera horri buelta emateko asmorik ikusi, are gehiago plantillaren zati handi bat ordezkatzen duen Sail Sindikalari etengabe uko egin zaionean.

Horrekin guztiarekin, kalean uzten dira, konponbideak aurkitzeko negoziazio-borondaterik gabe, zentroko eguneroko bizitzan dena eman duten 19 profesional, bai eta erabiltzaile adingabeak ere, presazko irtenbidea bilatu behar zaienak, haien programa terapeutikoak kontuan hartu gabe, eta horrelako kolektibo ahulari modu larrian eragiten diotenak.

Azken batean, CET Zandueta "ez da hiltzen, hil egiten dute; urteak daramatzate hiltzen", salatu du atal sindikalak. Atzean dago egindako lan guztia eta kolektibo horri emandako laguntza guztia. Eta, beti bezala, ez dute espero eskerrak ematea, saltzen saiatu arren "arimarik eta bihotzik ez duen eta inor engainatzen ez duen" elkarte batetik.

Horregatik guztiagatik, Dianovako CNT sailetik salatu dute Zandueta CET itxi ondoren, eta irabazi-asmorik gabeko gizarte-ekintzako GKEen fatxada baten atzean, enpresa-irabazi handienaren logika dagoela, langileen prekarizazioaren eta erabiltzaileen ongizatearen kontura.

• Sail sindikalak salatu du Eusko Jaurlaritzak Osakidetzan egiten ari duen utzikeria
• “Dei egiten diegu plataformei koordinatzeko, Eusko Jaurlaritzak Osakidetza desegin eta pribatizatzeko dituen planei aurre egiteko”, aipatu dute sail sindikaletik

Osakidetzako CNTren sail sindikala osatzen duten langileen hausnarketa batean, salatu dute nazkatuta daudela zuzendaritzaren etengabeko presioarekin, prekarietatearen lan-karga handitzearekin, eta Eusko Jaurlaritza horren erantzule zuzena dela.

Halaber, kritika egin diote Euskal Osasun Zerbitzuan ematen ari den erantzun sindikalari. “Ia lantoki gehienetara iristen ez diren greba eta mobilizazioetarako deialdia egiten da, berandu eta gaizki, eta azkenean jakiten dugunean, mobilizazio kontraesankorrekin, kontzentrazioekin zentro bakoitzean, herriek zentralizatutako manifestazio baten ordu eta egun berean”, adierazi dute CNTtik. Salatzeaz gain, “azpimarratu nahi dugu ez direla inoiz gurekin lanean ari, mobilizazio horiek bulegoetan erabakita baitaude, nahiz eta parte hartzen dugunoi soldata eta esfortzua kostatzen zaigun”.

Azkenik, Osakidetzarekin gatazka irekiak dituzten zentroetan sortzen ari diren plataforma eta asanbladak babesten ditu sail sindikalak. Sailak sindikatua eskaintzen die, “erabilgarria zaigulako eta horrela egitea errazagoa iruditzen zaigulako”. Hala ere, CNTtik benetan bilatzen dutena langileok antolatzea dela argitu dute. Horregatik, dei egiten diete plataformei, koordinatzera, “gurekin edo gu gabe, hala uste badute”, Eusko Jaurlaritzak Osasun Sistema Publikoarekin amaitzeko dituen planei aurre egiteko, Osakidetza desegin eta pribatizatzeko.

Ondorengo lerroetan ikus daiteke komunikatua osorik.

ANTOLATZEKO ORDUA DA, GAUZAK ALDATZEKO GARAIA. BORROKATU ZUGATIK, DENENGATIK, GUREKIN

Osakidetzako langileok oso nekatuta eta nazkatuta gaude. Sistemaren funtzionamenduaren erantzukizuna erabat eta ia laguntzarik gabe jasateaz nazkatuta. Neka-neka eginda zuzendaritzaren etengabeko presioarekin, trukean ezer eman gabe, gogaituta lan-kargaren etengabeko igoerarekin, egiturazko desantolaketarekin, nazkatuta prekarietatearekin eta gero eta baliabide falta handiagoarekin.

Dagoeneko bi urte baino gehiago dira Covid-aren pandemia kudeatzen ari direla, eta denbora horretan argi baino argiago geratu da Eusko Jaurlaritzaren, baita ere hura babesten duten EAJ eta PSE-PSOE alderdien arduragabekeria eta utzikeria, Osasun Sistema Publikoarekiko, Osakidetzarekiko, bertako langileekiko eta osasuna bermatzeko haren mende jarraitzen duten herritar gehienekiko.

Eta hori ezagutuz, alegia, Eusko Jaurlaritza eta hari eusten dioten alderdiak direla Osakidetza eta haren zerbitzuak etengabe hondatzearen eta desegitearen erantzule nagusiak, nazkatuta gaude, halaber, sindikatuen erantzunekin, gu Osakidetzako langileokin, kontutan inoiz kontutan hartu gabe. Batzuetan zalantza egiten dugu, beren afiliatuak ere kontutan hartzen ba ote dituzten.

Horrela, lantoki gehienetara iristen ez diren greba eta mobilizazioetarako deialdia egiten dute, berandu eta gaizki, hauen berri dugunean azkenean mobilizazio kontrajarriak direla ikusiz, kontzentrazioak zentro bakoitzean, ordu eta egun berean herrialdeetan manifestazio zentralizatu bat dagoen bitartean. Hori gertatzen da, diogun bezala, gu kontutan hartzen ez gaituztenean , mobilizazio horiek bulegoetan erabakitzen direnean, eta haien asmoa propagandista besterik ez denean, nahiz eta bertan parte hartzen dugunoi soldata eta esfortzua kostatzen zaigun, greba- egunean egiten ez duguna hurrengo egunean izango baitugu zain, baina haiek negoziazio-mahaia berrargitaratu nahi dute, enpresak kasu bat egin diezaien, haien existentzia justifikatzen jarraituz.

Eta horregatik ere, gu nazkatuta gauzkate.

Horregatik ulertzen dugu hainbat zentrotan sindikatu horietatik kanpo langileen plataformak eta asanbladak sortzea; izan ere, langile garen aldetik, badakigu antolatzearen beharraz, hau da, elkarrekin bakarrik, elkartuta, dugula aukeraren bat gauzak aldatzeko, gure arazoak konpontzeko.

Horregatik, Osakidetzarekin gatazkak dituzten zentroetan sortzen ari diren plataformak eta batzarrak laguntzen ditugu. Sindikatua eskaintzen badugu, baliagarria zaigulako eta horrela egitea errazagoa iruditzen zaigulako da, baina CNTtik benetan bilatzen duguna langileok antolatzea da. Horregatik dei egiten diegu plataformei, koordinatzera, eta gurekin edo gu gabe, hala uste badute, Eusko Jaurlaritzak, Osakidetza desegin eta pribatizatzeko eta Osasun Sistema Publikoarekin amaitzeko dituen planei aurre egitera.

Osakidetzako CNTko langileok, gainerakook bezala egoera hori pairatzen eta sufritzen dugu, eta badakigu erantzun antolatu eta batuak soilik itzul dezakeela egoera hau. Baina oraindik oso gutxi gara, oraindik oso lausotuta eta sakabanatuta gaude zuzendaritzarekiko konfrontazioari zuzenean ekiteko, baina ziur gaude hori egiteko tresna egokia garela. CNTn denok kontatzen dugu, denok zaintzen dugu elkar, denok babesten dugu elkar, parte-hartzearen eta elkartasunaren aldeko apustua egiten dugu, liberaturik gabe, berdinen arteko sindikalismoa, 110 urtetik gorako historiaren bitarteko eta esperientziekin.

Gaur egun antolatzea ez da irrika kontua, beharra baizik. Gurekin dago, CNT dauka.

Kontatu gurekin, kontatu CNTrekin.

• CNTk hainbat irregulartasun salatu ditu Santurtziko mantentze-lanen ardura duen Lanerako S.L. enpresan
• "Udala da zerbitzuaren dirua eta lan-baldintzak kudeatzeko moduaren arduraduna", adierazi dute sail sindikaletik

Santurtziko Udalarentzat 2021/2022 enplegu-planaren barruan mantentze-lanak egiten dituen Lanerako SL enpresako langileek CNTren Sail Sindikala eratu berri dute enpresan, beraien eskubideak defendatzeko.

CNTren Sail Sindikaletik "salatu nahi dugu enplegu-plan honetarako bideratutako diru publikoa enpresa pribatu bati bideratzen ari zaiola, eta horrek, aldi berean, soldatak jaistea eta lan-baldintzak okertzea eragin duela, aurreko urteekin alderatuta."

Gainera, CNTko Sail Sindikalak salaketa jarri du Lan Ikuskaritzan, plantillaren esku jarritako aldagelen egoera kaskarra dela eta; izan ere, hogeita hamar bat langilerentzako aldagela bakarra dute. Bestalde, salatu dute, halaber, Lanerako SL enpresak oporrak inposatu zituela, langile guztiak behartu zituelako oporrak lan-harremanaren hasieran hartzera.

CNTko Sail Sindikaletik publikoki salatzen dute Santurtziko Udalak enplegu-planean egindako irregulartasunak, "eta langile guztien eskubideak defendatuko ditugu."

• Zuzendaritzak aldi baterako lan-erregulazioko espediente bat aplikatu nahi du urtearen amaierara arte, plantilla nahi bezala ezartzeko.
• Martxoan kontsulta-aldia akordiorik gabe amaitu zen, eta zentral anarkosindikalista neurriaren aurka agertu da.

Kontsultaldia amaitu ondoren, langileen eta enpresako zuzendaritzaren arteko akordiorik gabe, aldi baterako lan-erregulazioa aplikatzeko planak indarrean jarraitzen du. «Enpresak urtea amaitu arte aplikatu nahi du; horrela, jendea etxera bidaltzen egon daiteke behe-denboraldian, eta goi-denboraldian, lanean mantendu», adierazi du sail sindikalak. Hala, Ercilla Hotelesek dirua aurrezten du langileen kontura, langileek salatu dutenez.

CNTren arabera, ez dute lan-kargaren plangintza errealistarik eman, eta ez dute neurriaren egokitasuna justifikatu. Honen adibide aste santua izaten ari da, “hotela beteta baitago”, salatu dute langileek. 2020a eta 2021a urte txarrak izan dira, baina denentzat izan dira, pandemia dela eta, azpimarratu dute sail sindikaletik. “Posible da lana berrantolatzea aldi baterako lan-erregulazioa aplikatu gabe, baina dirua aurreztu nahi dute, besterik gabe”, azpimarratu dute CNTtik.

Zentral anarkosindikalistak neurriak hartuko ditu enpresak bere planarekin aurrera jarraitzen badu.

• Apirilaren 4an hasiko da errenta aitorpenaren kanpaina Bizkaian, eta CNTk Eragozpen Fiskala egiteko deia egin du
• "Eragozpen Fiskala desobedientzia zibil kolektibo eta indarkeriarik gabeko ekintza bat da, Estatuarekin – Errenta-aitorpenaren bidez (PFEZ) – Bidegabeko partiden eta partida kaltegarrien finantzaketan ekonomikoki laguntzeari uko egitea" adierazi dute zentral anarkosindikalistatik.

Beste urte batez, kolektibo, elkarte eta sindikatuek Eragozpen Fiskala egiteko deia egin dute. "Lortu nahi dena da, modu kolektibo eta antolatuan, Gobernuaren inbertsio jakin batzuen aurka gaudela erakustea, Estatuari presioa egitea gure dirua partida bidegabeetan ez gastatzeko, nahi dugun gizarte-ereduari buruzko gizarte-eztabaida sortzea, desbideratutako diruarekin proiektu eraldatzaileak bultzatzea eta, azkenik, beste mundu posible horren eraikuntzan protagonista izateko aukera ematen digun tresna bat erabiltzea", adierazi dute antolatzaileek. Helburu alnternatiboak proposatzen dira; izan ere, Eragozpen Fiskalak aukera ematen du desbideratutako dirua sozialki eraldatzaileak diren lanak egiten dituzten kolektibo edo ekimenetara bideratzeko: talde solidarioak, feministak, ekologistak, antimilitaristak, antirrazistak, antikapitalistak, etab. Mundu justu baten eraikuntza bultzatzeko, beharrezkoa da benetako defentsa sozial horiek indartzea, ustezko defentsa militaristaren alternatiba gisa. Iaz 100.000 euro inguru desbideratu ziren bide horretatik.

Eragozpen Fiskala errazteko, "kanpaina hau bultzatzen dugun kolektibook bulegoak ireki ditugu Bilbon, Donostian eta Gasteizen, errenta aitorpena doan egiteko Eragozpen Fiskala egiteko", argitu dute CNTtik. Bizkaiko kanpainaren hasiera apirilaren 4ra aurreratzen da (Araban eta Gipuzkoan apirilaren 19an da). "Egun horretatik aurrera, denok jasoko dugu gutun bat aitorpenaren zirriborroaren eta beste informazio batzuen emaitzarekin, eta zirriborroa kontsultatzea eta errenta-aitorpena ematea bitarteko elektronikoen bidez baino ezin izango da egin", zehaztu dute. "Garrantzitsua da ez aurkeztea, kasu horretan ezinezkoa izango bailitzateke berriro egitea Eragozpen Fiskalaren bulegoan eragozpen fiskalarekin", azpimarratu dute CNTtik.

Apirilaren 19tik aurrera, astelehenean, hasiko dira Eragozpen Fiskalaren bulegoetarako hitzorduak ematen, eta, horretarako, apirilaren 19tik aurrera dei daiteke 609 469 599 zenbakira, astelehenetik ostegunera, 17:00etatik 20:00etara. Informazio guztia hemen aurki daiteke: https://www.eragozpenfiskala.org

Ondorengo lerroetan komunikatua irakur daiteke:

GERRARIK EZ. DESARMATU ZURE ZERGAK ERRENTA-AITORPENEAN. EGIZU #EragozpenFiskala

Gerra da gizateriaren aurkako krimenik latzena, eta mundu osoko herrialde askotako biztanleek pairatzen dute. 2022an areagotu egin da Europan ere, errusiarren erasoaren eta Ukrainako gerraren ondoren, baita NATOren militarismoaren ondoren ere. Milaka heriotza eta milioika desplazatu eraginez.

Gerra honek eztanda egin aurretik ere, Europan gerra-gatazken ondorioak sumatu genitzaken, horren adibide, Yemenen, Sirian edo Espainiako Estatuak militarki esku hartzen duen 20 herrialde baino gehiagotan armadek eragindako sufrimenduari ihes egiten zioten milaka pertsonak. Egoera honen
aurrean, Europar Batasunak diru kantitate handiak xahutu ditu mugak militarizatzen, behar duten pertsonei babesa galarazi die, eta euren babesgabetasun egoera eta oinarrizko eskubideen urraketak betikotu ditu.

Ukrainan gerra piztu izanak sufrimendua eta mundu bidegabeago bat baino ez ditu ekarriko. Europar Batasuneko herrialdeen eta NATOren erantzunak ere ez du itxaropen handirik ematen; izan ere, haien ekintzak ez dira inoiz bideratuak egon eskalada militarra murriztera, ez Errusiak inbasioa hasi aurretik ezta ondoren ere. Espainiako Estatuak erasorako material militarra bidaltzen lagundu du eskalada horretan. Guztiz bideraezina eta bidegabea da gatazkak Estatuetako indarkeriaren bidez konpontzen saiatzea; armada bakar batek ere ez du bakea defendatzen.

Gerra honen aurretik ere, NATOko estatu kideen artean gastu militarrean dirua xahutzeko joera urtez urte handitzen joan da, Espainian pertsonako 700 euroko muga gainditzeraino. Orain, Alemania bezalako hainbat herrialde gastu militar horiek izugarri handitzearen alde jarri dira, eta susmatzekoa
da europar estatukide gehiagok mugimendu negargarri hau imitatuko dutela.

Armaden zeregin nagusia kapitalismoari eustea da, baliabide naturalak suntsitu eta esplotatzeko prozesua; eta baita herrialde pobretuak espoliatzen dituzten enpresa transnazionalak defendatzea ere, hain zuzen planeta krisi klimatiko suntsitzaile batera eraman dutenak.

Mundu justuago bat eraikitzeak bidegabekerien kausa guztiak desagerrarazteko borroka dakar bere baitan. Horietako bat da haien finantzaketa. Gastu militarretan gero eta diru publiko gehiago xahutzen ari den honetan, hurrengo errenta-aitorpenean Gastu Militarrean zerga-eragozpena egitera animatzen
zaitugu.

Eragozpen fiskala gerren finantzaketan estatua ekonomikoki laguntzeari uko egitea da. Desobedientzia zibileko ekintza bat da, eta zergen zati bat ordaintzeari uztean datza, diru kantitate hori alternatiba eraldatzaile eta solidarioak eraikitzen diharduten ekimen herritarretara bideratzeko. 2021ean, objekzio fiskalak sendotzen jarraitu zuen EAEn; izan ere, ia 200 pertsonak planto egin zuten armaden finantzaketaren aurrean, eta erabaki zuten beren zergen zati bat gizarte bidezkoago eta solidarioago baten alde lan egiten duten proiektuetara bideratzea: ekimen ekologistetara, giza eskubideen aldeko proeiktuetara edo komunikabideetara. Horiek izan ziren zergen helburu alternatiboetako batzuk eta 17.900 euro inguru jaso zituzten.

Beste urte batez, Eragozpen Fiskalerako bulegoak irekiko ditugu Bilbon, Gasteizen eta Donostian. Bertan, errenta-aitorpena egingo dizugu eragozpen fiskala aplikatuta, dohainik eta aurretiazko hitzorduarekin. Informazio guztia helbide honetan aurkituko duzu: www.eragozpenfiskala.org.

Argitan, Armiarma, AZET Etxebizitza Sindikatua, BATU Elkarlaguntza Sarea, CNT Bilbao, Ekologistak Martxan, Elkarlaguntza Sarea Galdakao, ESK, Finantzaz Haratago, Irola Irratia, ISF Euskadi, Kakitzat, KEM-MOC, Lumaltik Herriak, Mugarik abe, Mundubat, Setem Hego Haizea, REAS, Medicus Mundi Araba, Ongi Etorri
Errefuxiatuak, Posada de los Abrazos, Zehar-Errefuxiatuekin, WDR-Bizkaia(Women Defend Rojava)

GERRA HEMEN HASTEN DA, GELDITU DEZAGUN HEMEN

CNTk erabat gaitzetsi du Pedro Sánchezen gobernuak Marokok Mendebaldeko Sahara inbaditzea eta diktadura batek, Marokoko erregeak bezala, Saharan giza eskubideak larri urratzea legitimatzeko hartutako erabakia.

Gure ustez, gobernuaren eta PSOEren adierazpenak, Mohamed VI.aren tesiak babestuz, saharar herriaren autodeterminaziorako eskubideari uko eginez, nazioarteko zuzenbidearen aurkakoak izateaz gain, lotsagarriak, sumingarriak eta erabat moralgabeak dira. Jarrera horrekin, Pedro Sánchez diktadura basati baten politikaren konplize eta Saharako gerraren ondorioekin erantzunkide bihurtzen da. Gerra horrek, hildakoak ez ezik, baldintza zitalak ere eragiten dizkie herritarrei, ahots disidenteen errepresioarekin, espetxeratzearekin eta torturarekin batera.

Gogoratu behar dugu Espainia Mendebaldeko Sahararen potentzia administratzailea dela oraindik, eta nazioarteko zuzenbidea urratzen duela, ez baitu deskolonizatzen. Bestalde, inteligentziaren aurkako iraina da Giza Eskubideekiko irizpide desberdinak erabiltzea, herrialde bateko gobernua Estatu Batuen aliatua den ala ez kontuan hartuta. Denok ados bagaude Putin despota bat dela eta Ukrainaren inbasioa ekintza kriminala dela, ez da gutxiago Sahararen inbasioa. Mohamed VI.a ere ez da beste bat baino diktadore gutxiago, NATOren aliatu izateagatik bakarrik. Kanpamenduetako, lurralde okupatuetako eta diasporako saharar guztiei animo mezua bidaltzen diegu. Berriz ere gure babesa ematen diegu errefuxiatu guztiei, bereizketarik egin gabe.

Halaber, Marokoko kartzeletan sufritzen ari diren lankideei (sahararrak, riftarrak, preso politikoak...) animo-mezua bidaltzen diegu, eta berehala aska ditzatela eskatzen diegu, bai eta okupazio-tropak erretiratzea eta Espainiako gobernuak nazioarteko legedia betetzea ere, Mendebaldeko Sahara behin betiko deskolonizatuz. Saharar herriak gure babes osoa du eta izango du beti.

Behera inbasioak eta horma inperialistak!

Deskolonizazioa orain! Sahara libre!